Gürcüstanda İmam Rzanın (ə) təvəllüdü münasibəti ilə möhtəşəm tədbir keçirilib (FOTO)

Tarix : 2019 Jul 14

Kod 58495

Short Link:

Gürcüstanda İmam Rzanın (ə) təvəllüdü münasibəti ilə möhtəşəm tədbir keçirilib (FOTO)

Gürcüstanda İmam Rzanın (ə) təvəllüdü münasibəti ilə möhtəşəm tədbir keçirilib

Arannews-Ahlibeyt.ge xəbər verir ki, Gürcüstan "Əhli-beyt (ə) cəmiyyəti" və həmin cəmiyyətin nəzdində fəaliyyət göstərən "Əhli-beyt (ə) Aşiqləri Forumu" və "Zeynəb (s.ə) Qadınlar Birliyi"nin birgə təşkilatçılığı ilə 13.07.2019 tarixində Marneuli şəhərində İmam Rzanın (ə) təvəllüdü münasibəti ilə möhtəşəm tədbir keçirilib.

Tədbir ilk öncə Məşhəd şəhərində İmam Rzanın (ə) hərəminin Quran qarilərindən olan Məcid Əfğani Şuəranın Qurani-Kərimdən ayələrin zikri ilə başlayıb.

Daha sonra qonaqları salamlayan tədbirin aparıcısı Jurnalist Azər Məmmədov İmam Rza (ə) barəsində qonaqlara məlumat verib.

Sonra İmam Rzanın (ə) hərəminin xətiblərindən olan Doktor Əfşar çıxış edib və İmam Rza (ə) barəsində, onun ictimai və dini fəaliyyətindən eləcədə onun ziyarətinin fəzilətindən geniş söhbət edib.

Tədbirin davamında Hərəmin məddahlarından olan Əhəd Səbzi gözəl ilahi və surudlarla məclisi feyziyyab edib.

Sonra Əhli-beyt (ə) məddahları Anar Cəfəri Səid Həsən və Azərbaycan Respublikasından təşrif gətirən Sadiq Cəfəridə öz gözəl ifaları ilə məclisə rəng qatıblar.

Məclisin sonunda Hərəmdən gələn dəyərli qonaqlar Əhli-beyt (ə) məddahlarına gözəl ifaları üçün eyni zamanda uzun illər sağlam dinin təbliğində böyük zəhmətləri olan İmamcümə Hacı Rasim Məmmədova hərəmdən gətirilən hədiyyələr təqdim olunub.

Keçirilən tədbirdə həmçinin İmam Rzanın (ə) təvəllüdü münasibəti ilə püşk atılaraq bəxtinə düşən üç nəfər şəxsə Məşhəd ziyarəti hədiyyə olunub.

Məclis ziyafət süfrəsi və dualarla yekunlaşıb.