Dünən Rusiyanın Sankt-Peterburq şəhərindəki “Baltiyskaya zvezda” mehmanxanasında Azərbaycan və Ermənistan prezidentləri İlham Əliyevlə Serj Sarkisyan arasında görüş keçirilib
Azərbaycan servisi/Aran Agentliyi
Dünən Rusiyanın Sankt-Peterburq şəhərindəki “Baltiyskaya zvezda” mehmanxanasında Azərbaycan və Ermənistan prezidentləri İlham Əliyevlə Serj Sarkisyan arasında görüş keçirilib.
Azərbaycan prezidentinin mətbuat xidmətinin rəhbəri Azər Qasımov APA-nın Moskva müxbirinə bildirib ki, həm təkbətək, həm də ATƏT-in Minsk Qrupunun həmsədrlərinin iştirakı ilə keçirilən görüş 3 saat davam edib. A. Qasımov prezidentlərin Dağlıq Qarabağ münaqişəsinin həlli prosesinin indiki vəziyyəti və perspektivlərini müzakirə etdiklərini deyib. Görüşdən sonra mətbuat konfransı keçirilməyib.