Tarix : 2010 Sep 21
Kod 19044

Azərbaycanlı və erməni qadınlar birgə mətbuat konfransı keçirəcək

Gürcüstan Respublikasının paytaxtı Tiflis şəhərində azərbaycanlı və erməni qadınlar Beynəlxalq sülh günü münasibətilə birgə mətbuat konfransı keçirəcək
Azərbaycan Servisi/Aran Agentliyi
“Aran” İnformasiya Agentliyinin verdiyi məlumata əsasən, Gürcüstan Respublikasının paytaxtı Tiflis şəhərində azərbaycanlı və erməni qadınlar Beynəlxalq sülh günü münasibətilə birgə mətbuat konfransı keçirəcək. Bu haqda erməni KİV-ləri məlumat yayıb. Məlumatda bildirilir ki, tədbir BMT-nin qadınlar fondunun təşkilatçılığı ilə keçiriləcək. Sabah təşkil olunacaq mətbuat konfransında Gürcüstanda azərbaycanlı və erməni qadınlar arasında qeyri-rəsmi diplomatiyadan istfifadə olunmaqla keçirilmiş 2-ci sülh görüşünün yekunlarından danışılacaq.
Xatırladaq ki, ilk belə görüş mayın 4-5-də Brüsseldə keçirilmişdi.
Görüşdə azərbaycanlı və erməni xanımların Dağlıq Qarabağ münaqişəsinin sülh yolu həllindəki rolu, Azərbaycan və Ermənistanda BMT-nin “Qadınlar, sülh və təhlükəsizlik” haqqında qətnaməsinin həyata keçirilməsi perspektivləri müzakirə olunur. 2000-ci il oktyabrın 31-də qəbul edilmiş bu qətnamə Dağlıq Qarabağ münaqişəsinin həlli prosesinin bütün mərhələlərində qadınların iştirakının vacibliyindən danışır.
 
“Aran” İA
  • Yazılıb
  • da (də) 2010 Sep 21