Tarix : 2011 Jan 18
Kod 20816

ERMƏNİSTANDA MİTİNQ BAŞLAYIB

Yüzlərə piket iştirakçısı siyasi məhbusların azad edilməsini tələb edir
Ermanistan servisi/Aran agentliyi

Bu gün Avropa Şurasının insan haqları üzrə komissarı Tomas Hammarberq İrəvana gəlib. Qurum nümayəndəsi 18-21 yanvar tarixlərində davam edəcək səfər çərçivəsində hakimiyyət və müxalifət, eləcə də vətəndaş cəmiyyətinin nümayəndələri ilə görüşlər keçirəcək.

Tomas Hammarberqin səfəri ilə əlaqədar Ermənistanın siyasi məhbuslar üzrə Komitəsi “Ermənistan Mariott” mehmanxanasının qarşısında piket keçirir. Nümayişçilər həbsdə olan müxalifətçilərin azad edilməsini tələb edirlər. Aksiyada Komitə üzvlərindən başqa, Erməni Milli Konqresinin nümayəndələri də iştirak edir.

Qeyd edək ki, piketə yüzlərlə insan qatılıb. Nümayişçilər əllərində siyasi məhbuslarn şəkilləri olan plakatlar tutublar. Məlumata görə, Ermənistan vaxtı ilə saat 20.00-da Avropa Şurasının insan haqları üzrə komissarı Tomas Hammarberq “1 Mart” hadisələrinin qurbanlarının yaxınlarını qəbul edəcək.

Xatırladaq ki, bir müddət bundan öncə həlak olanların yaxınları AŞ-nın İrəvandakı ofisinə məktub təqdim edərək, onunla görüşmək arzusunda olduqlarını bildiriblər. \ans\ 

  • Yazılıb
  • da (də) 2011 Jan 18