Qafqaz bölgəsi ilə bağlı son xəbərlər, təhlillər və məqalələr

İran İslam Respublikasının prezidenti ölkənin gələn il büdcəsini (1390-cı il) İslam Şurası Məclisinə təqdim edib.

Prezident Mahmud Əhmədinejadn bu gün bazar günü büdcə layihəsini parlamentə təqdim etdiyi zaman deyib: Ölkənin gələn il üçün büdcəsi elə bir şəraitdə təqdim olunur ki, ölkə və inqilab çox münasib və hazır şəraitdədir. Məlumatı İRNA verib.

Bütün zəmin və imkanların yüksək mədəni, iqtisadi və siyasi sıçrayışlar üçün olduğunu vurğulayan cənab prezident deyib: Bir çox infrastrukturlar və lazımi qanun-qaydalar hazırlanıb.

Ölkənin 5-ci inkişaf proqramının xalq və hökumət nümayəndələrinin əməkdaşlığı ilə hazır olduğuna toxunan İran prezidenti deyib: Ölkənin ümumi atmosferi ümid, iman və İslam İnqilabının yüksək amallarının izlənilməsi istiqamətindədir.

Əhmədinejad sonda bildirib ki, qərar çıxaran, müdir və xalqın xidmətçiləri ayıqlıq, uzaqgörənlik, dəqiq və əsaslı proqramlaşdırmalarla inkişaf qüllələrinə doğru hərəkət edirlər.