11 martda gənclərin təşkil etdiyi ''Böyük Xalq günü'' aksiyasında iştirak etmiş ADP Gənclər Təşkilatının üzvləri Kamal Hüseynov və Orxan Hüseynov dünən, saat 22-05 də azadlığa buraxıldı
Azerbaijan servsi/Aran agentliyi
![]()
ADP mətbuat xidmtindən FaktXeber.com-a verilən məlumata görə ,11 martda gənclərin təşkil etdiyi “Böyük Xalq günü” aksiyasında iştirak etmiş ADP Gənclər Təşkilatının üzvləri Kamal Hüseynov və Orxan Hüseynov dünən, saat 22-05 də azadlığa buraxıldı. Məlumat verildiyi kimi hər iki gəncə qeyri qanuni olaraq 7 sutka həbs cəzası verilmişdi.
ADP-çı gənclər həbs müddətində qeyri qanuni olaraq hüquqlarının addımbaşı pozulduğunu və psixoloji təzyiqlərə məruz qaldıqlarını bildiriblər. Eyni zamanda aksiya zamanı mülki geyimlilərin və polis məntəqəsində polislərin onlara qarşı fiziki güc tətbiq etdiklərini deyiblər.
Onlar Nəsimi və Səbail məhkəmələrinin müvafiq qərarlarını da ədalətsiz və qeyri qanuni hesab edirlər və onların qeyri qanuni həbsi ilə əlaqədar yuxarı məhkəmə instansiyalarına şikayət etməyi planlaşdırırlar.
Həbs olunan gənclərdən biri Orxan Hüseynov həbsdə olduğu zaman yaşadığı mənzilə naməlum şəxs zəng edərək onun haqqında nalayiq ifadələr səsləndirib və ailə üzvlərini təhdid edib. Qeyd edək ki, Orxan bəyin həyat yoldaşı Gülnarə Hüseynova da fəal ADP üzvlərindəndir və martın 11-dəki aksiyada iştirak etmişdi.
Azadlığa çıxmış hər iki gənc təzyiqlərə baxmayaraq ruhdan düşmədiklərini və mübarizəni daha böyük əzmlə davam etdirəcəklərini bildiriblər.
Xatırladırıq ki, 11 mart Böyük Xalq günündə ADP-çi gənclərdən başqa daha 7 nəfər həbs olunmuşdu və digər həbs olunanlar da dünən axşam saatlarında azadlığa buraxılıblar.