Tarix : 2011 Jul 21
Kod 24214

Azərbaycanın 2010-cu ildə bəzi ölkələrdən aldığı silah və hərbi texnikanın siyahısı açıqlanıb

Azərbaycan 2010-cu ildə Silahlı Qüvvələrin texniki imkanlarını yeni silah sistemləri və hərbi texnika hesabına genişləndirib
well/Aran agentliyi

 

APA-nın məlumatına görə, bir sıra ölkələr BMT-nin Adi Silahlar Registrinə təqdim etdikləri hesabatlarda Azərbaycana satdıqları silah və hərbi texnika barədə məlumatları açıqlayıb.

Hesabatlara görə, 2010-cu ildə Türkiyə Azərbaycana 15 ədəd zirehli maşın, Ukrayna 71 ədəd BTR-70 (silahsız), 7 ədəd 122 mm çaplı 2C1 «Qvozdika» özüyeriyən artilleriya qurğusu, 1 ədəd Mi-24R helikopteri, 1 ədəd tank əleyhinə idarə olunan raket kompleksi, Slovakiya 1 ədəd 2A42 tipli döyüş maşınları və helikopterlərdə qurula bilən avtomatik top, Belarus 30 ədəd 120 mm çaplı D-30 topu, 1 ədəd “Su-25” döyüş təyyarəsi, Bosniya və Herseqovina isə 10 ədəd 128 mm çaplı RAK-12 reaktiv yaylım atəş sistemi və bu sistemlər üçün 20 min ədəd raket satıb.

Kiçik çaplı silahlardan isə hesabat dövründə Türkiyə 110 ədəd tapança, Ukrayna 3 min ədəd avtomat və tapança-pulemyot, Avstriya 100 ədəd tapança satışı həyata keçirib.

Qeyd edək ki, hazırda Registrə çox az sayda dövlət hesabat təqdim edib. İlin sonunadək davam edəcək hesabatların təqdimatı zamanı yeni məlumatların açıqlanması gözlənilir.

 

 

  

  • Yazılıb
  • da (də) 2011 Jul 21