Qafqaz bölgəsi ilə bağlı son xəbərlər, təhlillər və məqalələr

İran İslam Respublikasının müdafiə naziri bildirib ki, qərbli qüvvələrin islam ölkələrində iştirakı bu ölkələrin xeyrinə deyil.

İran İslam Respublikasının müdafiə naziri general-leytenant Əhməd Vəhidi jurnalistlərə müsahibə verib. Vəhidi gələn günlərdə Türkiyədə raket müdafiə sisteminin istifadəyə verilməsi üçün NATO-nun bildirişi barəsində deyib: Amerikalılar və qərblilərin islam ölkələrində iştirakı islam ölkələrinin təhlükəsizliyini məhv edir.

Qərbin İraq, Əfqanıstan və Liviyada işğalçı addımlarına toxunan Vəhidi söyləyib: Qərblilərin islam ölkələrində iştirakı bu ölkələrin xeyrinə deyil.

General Vəhidi habelə qeyd edib: İran heç bir nöqtədən İslam Respublikasının mənafeyinə qarşı təcavüzə dözmür və qəbul etmir.

İranın müdafiə naziri İrana qarşı önləyici hücumlara dair Fransa prezidentinin son açıqlamaları barəsində deyib: Bu sözlər şişirtmədən başqa bir şey deyil.

Vəhidi S-300 zenit raket komplekslərinin təhvil verilməsi məsələsi ilə əlaqədar İranın beynəlxalq məhkəməyə şikayəti üzrə Tehranın qərarından Rusiya Xarici İşlər Nazirliyinin təəccüblənməsinə də münasibət bildirib: Bu məsələ İran və Rusiya arasında imzalanmış müqavilənin maddələrindən olub və bu barədə heç bir qeyri adi hadisə baş verməyib.

General Vəhidi bildirib: S-300 zenit raket komplekslərinin təhvil verilməsinə dair müqavilənin maddələrinə əsasən, əgər tərəflər müqavilənin icrasına dair anlaşılmazlıqla üzləşərlərsə, məsələyə aydınlıq gətirmək üçün məhkəməyə müraciət edə bilərlər.