Nabukko” Beynəlxalq Qaz Konsorsiumu “Bayerngas” şirkətinin bu layihənin iştirakçısı olmaq niyyətini alqışlayır
well/Aran agentliyi
Nabukko” Beynəlxalq Qaz Konsorsiumu “Bayerngas” şirkətinin bu layihənin iştirakçısı olmaq niyyətini alqışlayır.
Konsorsiumdan Turan-a daxil olan məlumatda deyilir ki, bu gün Avstriyanın iqtisadiyyat naziri Reynhold Mitterlahner və Bavariyanın iqtisadiyyat naziri Martin Zeylin konsorsiumun digər altı üzvü ilə bu mövzuda danışıqları başlayacaq.
Nabukko”nun icraçı direktoru Reynhard Mitşek bunu “Nabukko üçün böyük addım” adlandırıb. Bazarın genişlənməsi layihənin reallaşması üçün mühüm məqamdır və “Bayerngas”ın timsalında layihənin yeni iştirakçısı bunu sürətləndirəcək.
O bildirib ki, konsorsium yeni iştirakçılar üçün açıqdır və yeni mərhələyə qədəm qoyur.
Hazırda layihənin üzvləri aşağıdakı şirkətlərdir: OMV (Avstriya), MOL (Macarıstan), Transgaz (Rumıniya), BEH (Bolqarıstan), Botas (Türkiyə) və RWE-dir (Almaniya). İştirakçıların hər biri 16.67% paya malikdir.
Turan