ali/aran agentliyi
Faktxeber.com-un verdiyi məlumata görə, Rusiyada prezidenti Dmitri Medvedyevin fərmanı ilə müsəlman peyk kanalının yaradılması yönündə işlərə başlanılıb. Kanalın 2012-ci ilin ikinci kvartalında işə düşməsi gözlənilir.
Bu barədə,Tatarıstan və Rusiyanın tamsəlahiyyətli nümayəndəliyinin iclasında deyilib. Moskvanın ictimai və dini nümayəndələrinin görüşündə paytaxtda milli və dini təhsil məsələləri, yeni məscidlərin tikilməsinin vacibliyi və meqapolisdə millətlərrarası, dinlərarası razılığın qorunması yönümdə müzakirələr gedib.
Tatarıstan Respublikasının Prezidentinin Dini Quramlarla İş İdarəsinin rəisi Marat Qatin Tatarıstan müsəlman təhsilindən danışaraq, bütün respublika üzrə mədrəsələrin vahid proqarmla işlədiyini bildirib: «Tatarıstan – hər zaman millətlərarası və dinlərarası münasibətlərin qorunduğu ərazidir. Kazanda həm məscid, həm də pravoslav kilsəsinin olması bizim dinlərə qarşı hörmətli münasibətimizin göstəricisidir».
İclasda iştirak edənlər həmçinin tikiləcək yeni Cümə məscidinin layihəsi ilə də tanış olublar.