Sürücülər 20 Yanvar abidəsinin önünə toplaşıblar. Abidə önündə bir neçə çıxışlar olub
/Aran agentliyi
Sürücülər 20 Yanvar abidəsinin önünə toplaşıblar. Abidə önündə bir neçə çıxışlar olub.
Hal-hazırda aksiyaçılar İctimai Televiziyanın qarşısına yürüş edirlər
Ötən gün Nəqliyyat Nazirliyinin qarşısında taksi sürücülərinin keçirdiyi aksiya zamanı səsləndirilən tələblərə rəsmi olaraq rədd cavabı verilib. Nazirlik sürücülərin tələblərinin əsassız olduğunu bildirərək onlara əməl edilməyəcəyini açıqlayıb.
Bu gün isə bir neçə dəqiqə öncə 100-ə yaxın taksi sürücüsü 20 yanvar metrosundan Nəqliyyat Nazirliyinə doğru yürüş etməyə cəhd göstərib. Lakin metrodan nazirliyə doğru gedən yolda yerləşən Fövqəladə Hallar Nazirliyinin Bakı Regional İdarəsinin önündə onların qarşısı alınıb. Polis və FHN əməkdaşları sürücülərin qarşısını kəsərək onların Nəqliyyat Nazirliyinə doğru irəliləməsini əngəlləyiblər. Sürücülər maenəni keçə bilmədikləri üçün geriyə 20 yanvar metrosu istiqamətində yürüş ediblər.