Əsassız və gülünc narkotik maddələrin saxlanılması ittihamı ilə Azərbaycan Respublikası hökuməti tərəfindən həbs olunan İranın Televiziya ...
/Aran agentliyi
Əsassız və gülünc narkotik maddələrin saxlanılması ittihamı ilə Azərbaycan Respublikası hökuməti tərəfindən həbs olunan İranın Televiziya və Radio Təşkilatının Bakıdakı ofisinin yerli müxbiri Anar Bayramlının reportajlarının dayanması Beynəlxalq Səhər telekanalının izləyicilərinin narazılığına səbəb olub.
Bununla əlaqədar beynəlxalq Səhər telekanalına ünvanlanmış bir çox elektron məktubda bildirilib:
"Azərbaycan xalqına lazım olan bəzi məlumatları Anar Bayramlının reportajlarından alırdıq. Ancaq müxbirimizin nahaq yerə həbs olunması bizi bundan məhrum edib. Onsuz da Anar kimi düz danışan müxbirin həbs olunması bizi yalançı kanallara tərəf sövq etməyəcək." Quba şəhəri - Əhməd
"Kaziminin Bakı Aeroportundan Tehrana geri qaytarılması ilə başlanan SƏHƏR kanalımıza qarşı repressiya bizdə yalnız nifrət yaradır. İndi isə hakimiyyətin Anar Bayramlıya qarşı başladığı çirkin plan bu nifrətimizi bir qədər də alovlandırır." - Seyran Alışov
"Hər gün dini durumdan və sair məsələlərdən bizi agah edən Anar qardaşın qapısını Allah taala özü açacaq inşallah. Allah mərifət nurundan bizim bu zalım hakimiyyətə də bəxş eləsin." – Hacı xanım
"Dolğun və düzgün reportajları ilə Azərbaycan xalqını məlumatlandıran müxbir Anar Bayramovun həbsi polisin nə qədər çirkab içində olduğunu nümayiş etdirdi. Anar kimi pak təqvalı insanların narkoman damğası ilə həbsə atmaq bizi dünyada rüsvay edib. Anar da bu kimi mənfi hallarla mübarizə aparırdı öz məlumatları ilə." Hacı Heydər – Bizovna qəsəbəsi.