/Aran agentliyi
Bismillahir-Rəhmanir-Rəhim
Lut (ə) qövmü haradadır? Avrovizion və geylərlə Azərbaycan hara getmək istəyir? Çox çətin bir gündür. Və (möminlərə) öyüd-nəsihət ver. Çünki öyüd-nəsihət möminlərə fayda verir. (Zariyat-55)
Tarix bir çox xalqların Allahın elçilərinin dəvətini qəbul etmədiklərindən və onların nəsihətlərinə qulaq asmadıqlarından ötrü bədbəxt olduğuna, bəziləri isə həlak olub getdiyinə şahiddir. Lut peyğəmbərin (ə) qövmü o həlak olan xalqlardan biridir. Qurani-Kərim törədilən cinayətin böyüklüyünü aləmlərə daha çox bildirmək və onun qarşısını almağa təkid etmək üçün o qövmün dastanını tam on surədə bəyan edir:
Və bizim elçilərimiz Lutun yanına gələn zaman o, onlara görə narahat oldu və (öz qövmünün qonaqlar barəsində pis niyyətdə olmalarından) sıxıntıya düşdü. Və əli onları himayə etməkdən üzüldü və dedi: «Bu gün çox çətin bir gündür» (Hud surəsi-77)
Və Lutu (göndərdik), o zaman öz qövmünə dedi: «Həqiqətən, siz özünüzdən əvvəl aləmlərdəkilərdən heç birinin etmədiyi olduqca iyrənc bir işi görürsünüz!» (Ənkəbut-28)
Lutun (ə) dövründə camaat daha öncə heç görülməyən həmcinsbazlıq (livat) rəzalətinə mübtəla olmuşdular. Bu rəzalət o həddə yayılmışdı ki, heç nədən utanmadan öz məclislərində bilə o pis işi görürdülər. «(Doğrudanmı) siz kişilərlə cinsi əlaqədə olur və yol kəsirsiniz (nəsil artırma yolunu yaxud da şəhərin yolunu oradan keçənlərin üzünə bağlayırsınız) və ümumi məclislərinizdə çirkin işlər görürsünüz?!» (Hud-29)
Yoldan keçən insanları bilə daşlayıb o çirkin əməli görmək üçün onların üstünə hücüm keirdilər. Qadınlar kişisiz qaldıqları üçün, onlar da öz aralarında və birbirylə cinsi ehtiyaclarını ödəmək üçün həmcinsbazlıq etməyə başlamışlar.
Və qövmü tələsik onun yanına gəldilər (ki, həmin qonaqlara təcavüz etsinlər) və onlar bundan qabaq da bu çirkin işləri görürdülər. Dedi: «Ey mənim qövmüm, bunlar mənim qızlarımdır. Onlar sizin üçün daha pakdırlar (ki, kəbinlərini kəsib aparasınız). Buna görə də Allahdan qorxun və məni qonaqlarım barəsində xəcalətli və rüsvay etməyin. Məgər sizin aranızda xəbərdar və doğru yolu tapmış bir kişi yoxdur?!» (Hud-78)
Bu iş onlarda adət halını tapdığı üçün Lut (ə) onları Allahdan çəkindirib qorxutmuş olsa da, öz əziz qızlarını onlara nikahlamağı təqdim etsə də belə onlar yenə də o pis işdən əl çəkmədilər. Hətta, bununla da iftixar etməklə, o Həzrətdən ilahi əzəbı tələb etdilər.
Beləliklə, onun qövmünün cavabı yalnız bu oldu: «Əgər düz danışanlardansansa, bizə Allahın əzabını gətir!» (Hud-29)
Onların başına (daşdan) yağış yağdırdıq. O qorxudulanların yağışı nə yaman pis bir yağış idi! (Nəml 58)
Lut qövmündən o həzrətin ailəsindən başqa heç kəs hətta, yoldaşı da ona iman gətirməmişdi.
Beləliklə ona və ailəsinə nicat verdik, yalnız zövcəsindən savayı. (Onun məhv olan cəmiyyətdə) qalanlardan olmasını (əzəldən) təqdir etmişdik. Onların başına (daşdan) yağış yağdırdıq. O qorxudulanların yağışı nə yaman pis bir yağış idi.( Nəml-57,58)
Bu ayələr qadınların da o pis işlərə mübtəla olduğuna dəlalət edir. Çünki, belə olmasaydı onlar Luta (ə) iman gətirər və ya ən azı onun ətrafına toplanar və onu təsdiq edərdilər. Nəticədə Allah Taala onları məhv etməzdi.
Bu tayfa, kişilərin qadınlarla evlənmə yoluyla insan nəslinin davam etmə qanununa qarşı gəlməklə, fahişə və əxlaqsızlığı yaymaqla, öz təbiətinə və fitrətinə zid əməl edərək, Allaha üsyan etmiş, küfrə tərəf getməklə ilahi əzəbı özlərinə müstəhəqq etmişdilər.
İlahi tədbir və yer üzünün nizamı təhlükəyə düşdükdə isə, səbəbkarların həlak olmaları qaçlmazdır. Bu səbəbdən, bütün şəriyətlərdə olduğu kimi İslamda da həmcinsbazlıqla (geylik) məşğul olanlara ölüm cəzası vardır.
Qurani-Kərim müəyyən bir dövr üçün nazil olmamışdır, dastanları həqiqətdir və ta qiyamətə qədər bütün insanlara ibrət vesiləsidir.
Hər kim bu cür işlər dalınca getsə və ya bu işlərin camaat arasında yayılmasına kömək etsə, əqibəti Quranda qeyd olunan kəslərin kimi olacağı qətidir.
Lut peyğəmbərin (ə) qövmünün bəlasından sonra Avroviziyon-2012 və Gey parad müsibəti
Müasir dövrümüzdə də bu çirkin əməllə məşğul olanlar var və bunların örnəkləri adətən, qərb ölkələrində müşahidə olunur. Onları himayə edənlər vardır. Allaha etiqadı olmayan və ya zəyif imanlı şəxslər insanların yalnız, cismi qüdrətlərindən və heyvani qərizələrindən istifadə etmək üçün bu xəstəliyi bütün dünyaya yaymağa cəhd edib, qüdrət və sərvətlərini artırmağa çalışırlar.
Bu işin çox böyük bir günah olduğunu bilərək və ya bilməyərək, insana yaraşmayan o çirkin işəri görənlər üçün şərait yaradırlar və bunların arasında təassüflər olsun ki, özlərini müsəlman sayan şəxslər də vardır.
Bir müddətdir ki, göndəmi məşğul edən ilk dəfə olaraq, müsəlman bir ölkədə keçiriləcək beynəlxalq mahnı yarışması mövzusu hər yerdə gedir. Keçən il İslam Mədəniyəti Paytaxtı adıyla özünü tanıdan Bakı, bu il isə avroviziyon mahnı müsabiqəsinə və onun ayrılmaz hissəsi olan Gay Parada ev sahibliyi edəcəkdir. Görəsən,
bunların bu müsəlman məmləkətində bunu icra etməkdə nə hədəfləri vardır? Bu sionistlərin İslama qarşı apardıqları mübarizənin növbəti addımından başqa nə ola bilər?
Onların bu ölkədə İslama qarşı addım-addım icra etdikləri layihələrə etirazlarını bildirən və Vətən qeyrətini çəkən insanları zindana ataraq, onların yerinə o həyasız və şərəfsiz həmcinsbazları gətirməklərindən məqsədləri nədir? Onu açıqlasınlar bu müsəlman xalqa! Bu millətin o qədər böyük dərdləri olduğu halda, bunlar nə oyundur? Bütün bunlar da xalqımızın şəhidlərinin qanları yerdə qaldığı və iffət və paklıq örnəyi olan Xanım Fatimeyi Zəhranın (salamullahi ələyha) matəm günlərində baş vərməlidir!?
Bir yandan da müsəlman uşaq qatili Liberman kimi bir sionist işğalçı rejimin rəsmisi müsəlmanların paytxtı sayılan Bakıya gəlib yəhudilərin mədəniyət mərkəzini qürurla açmasına nə söz deyilir? Bunlardanmı biz mədəniyəti örənməliyik?! Bunların keçmişi tarixdə çox yaxşı qeyd olumuşdur. Bunlar üsyançı və fəsadçı təbiətlərinə görə əsrlərdir didərgin düşmüş, hara getdiysələr özlərindən sonra zülm və pozğunçuluqdan başqa bir əsər qoymamışlardır. Adımızın tarixdə həmcinsbazlarla və sionistlərlə qeyd olması böyük bir ləkədir.
Bir baxıb görək! Bu ölkə kimin ölkəsidir? Onu idarə edənlər kimlərdir? Bunlar sionistlər, ya ermənilərdir?!
Ey taxt-tac əsiri! Bu ölüb gedənlərdən xəbərin varmı? Niyə bu xalqa sahib çıxılmır? Nə üçün ölkəmizdə xalqının düşmənlərinə xidmət edilir? Düşmənə qarşı gücünüz çatmırsa, xalqa niyə söykənmirsiniz? Bu xalqa niyə zülm edirsiniz?! Bu xalqın parlaq və şərəfli tarixini ləkələnməsinə izin verməyin! Buna heç kəsin haqqı yoxdur! Əgər xalqın şərəf və ləyaqətini qorumağı bacarmırsınızsa, onda çəkilin kənara qoyun onu səlahiyyətli şəxslər öhdəsinə alsın! Qərar deyil ki, siz ömrünüzün sonuna qədər taxtda otubur bu xalqa zülm edəcək, namusunu, şərəfini aradan aparacaq və torpaqlarını hərraca qoyacaqsınız!
İmperialist qüdrətlər bu gün İslamı top tüfənglə aradan apara bilməyəcəklərinə əmindirlər. Əsrimizdə işlətdikləri çox güclü metodlarından biri insanların əqidələrini süstləşdirib, küfrə tərəf çəkməkdir. Gəncləri, əxlaqsızlığa və fahişəliyə gözəl cilvə verməklə pozğunluğa tərəf dəvət edirlər. Onları gələcəyinə ümüdsüz edirlər. Bu, silahlı müharibədən qat-qat daha təhlükəlidir. Bunların etdikləri bu iş çox böyük bir cinayətdir və soyqırımdan da betərdir. Çünki soyqırımdan sonra bəziləri üçün sağ qalma ehtimalı vardır amma, bu məkirli yumşaq savaşda sağlam adam qalma ehtimalı yoxdur. Bu metodla onlar öncə, əqidə, iman, milli- mənəvi dəyərlər, mədəniyət, namus və şərəf kimi ən önəmli sahələrdə həmlə edirlər. Bu arada qalib gəlsələr, təhsil və iqtisadiyatı yox edirlər, daha sonra da torpaq və sərvətlərini ələ keçirib qarət edirlər.
Bu xalqın işsizlikdən, bir tikə çörəkdən ötrü hər gün ölkəni tərk etməsi, rüşvətxorluq, torpaqlarının işğal altında olması, dövlət məmurların ədalətsizliyi, haqq sözü danışanlara qarşı represiya və habslər, yetimin, dul qadının, şəhid ailələrinin və hər bir vətəndaşın haqqı olan neft və miili sərvətlərin xarici ölkələrə peşkəş çəkilməsi və və …. dərdləri olduğu bir halda, bu festival dedikləri işə yüzlercə milyon dollar xərcləməyə nə ehtiyac var?
Ölkəyə gətirəcəkləri adamlar kimlərdir, bilirsiz? Bunlar, mahnı adı və sözləri ilə insanın elmini və ya mənəviyatını artırmayacaq, sözün qısası dünyanın ən pozğun qadın və kişilərdir bunlar. Bunlar, geyimləri və hərəkətləriylə gəncləri yoldan çıxaranlardırlar. Bu azmış kimi Lut (ə) qövmünün davamçılarını da özlərinə qoşmuşlar. Bunlar isə özlərinə bir az bəzək vermək üçün adlarını dəyişdirmiş gey qoyublar (axı həmcinsbaz dedikndə qulaqa çox pis gəlir). Gay sözü, ingiliscə “həmcinsbaz (adətən, kişilər arasında)” mənadadır. Kökü fransız dilindən gəlir və nəşəli, canlı, rəngli və əhəmiyət verməyən mənalardadır.
Həqiqətən də bu geylərin hallarına və davranışlarına baxdıqda tam o mənaları çağırmaqdadır. Bu günə qədər keçirilən gey paradlar, həmcinsbazların camaata göstərdikləri davranışlar və hərəkətlərinə görə paradlar hadisəsiz başa çatmamışdır. Çünki, bunlar əxlaqsızlığın, şərəfsizliyin, namuzsuzluğun və ağılsızlığın tam bir örnəyidir. İnsanları davranışları və sözləriylə təhqir edir, heysiyyətinə və şəxsiyyətinə toxunurlar.
Bir düşünün, bunları Bakı meydanlarına tökdülər. Camaat hamıcı bu maraqlı hadisəyə baxacaqlar. Zəif əqidəli insanlar bunların davranışlarından mənfi təsir götürəcəklər. Televiziya və qəzetlərdə bu axlaqsız səhnələr əks etdiriləcək. Bu məmləkətə də bu çirkinliklərin toxumları əkiləcək. Halbuki, burası iffətli və qeyrətli müsəlmanların, şəhidlərin və böyük alimlərin məmləkətidir. Bu pak insanların şəxsiyətini kiçiltməyə heç kəsin haqqı yoxdur.
Qeyrətli azərbaycan xalqı ciddi bir sınaqla üzbəüz qalmışdır. Bu sınaqı Allahın istədiyi kimi kəçə bilməsi ancaq, mömin, ziyalı, ana, bacı, tələbə, gənc və hamı bir səslə gücü çatdığı qədər bu böyük rəzilətə öz etirazını və nifrətini bildirməklə mümkündür.
Amma onlar onu (Salehi) təkzib etmişdilər və Allahın dəvəsini öldürmüşdülər. Rəbbi də günahlarının cəzası olaraq onların hamısının kökünü kəsib yerlə yeksan etdi.(Şəms-14)
Məsum İmamdan (ə) soruşduqları zaman: Nə üçün Saleh peyğəmbərin (ə) dəvəsini bir nəfər kəsdiyi halda, Allah Taala o qövmün hamısına əzab verdi?! Həzrət cavabında belə buyurdu: “Çünki, onlar o adamın əməlinə razı idilər.”
Allah hamımızı vəzifələrimizi düzgün yerinə yetirməyə müvəffəq etsin!
Məhəmməd Mustafa/HaqqYolu