Başımız itirilmiş torpaqlarımızın alınmasına, övladlarımızın tərbiyəsinə deyil, “ eyş – işrət”ə qarışıb
/Aran agentliyi
Başımız itirilmiş torpaqlarımızın alınmasına, övladlarımızın tərbiyəsinə deyil, “ eyş – işrət”ə qarışıb. Heç də indiki vəziyyətdə torpaqlarının 20% alınan, ana-bacıları, qız-gəlinləri erməni əsirliyində qalan, hər gün cəbhə bölgələrində şəhid verən anaların ah-naləsi eşidilən torpağın övladlarına bənzəmirik! Bunu Azərbaycan Respublikası Prezidentinin xanımı Mehriban Əliyevaya açıq məktub ünvanlayan vətəndaş yazıb.
Beynəlxalq SƏHƏR kanalına da göndərilmiş açıq məktubda oxuyuruq:
Övlad harayı
Hörmətli Mehriban Xanım!
Övladlarınız uçurum astanasındadırlar. Onların mehriban ana nəvazişinə,
qaygısına, məhəbbətinə ehtiyacları vardır. Ola bilər deyəsiniz ki, bütün
bunlar Respublikamızda, xüsusilə də Bakı şəhərində açıq-aydın görünür.
)Məsələn: parkların gözəlləşməsi, yolların çəkilməsi, körpülərin salınması,hündür binaların inşası, məktəblərin,uşaq bağçalarının, xəstəxanaların əsaslıtəmiri və s.)
Bütün bu işlərin hamısı təqdirə layiqdir. Lakin, bunlar susuz bir insanın
səhrada gördüyü ilğıma bənzəyir.
Hər bir Ana vətənə layiqli övlad yetişdirmək üçün ona gözəl şərait
düzəltməzdən əvvəl, gözəl əxlaq, zəngin mənəviyyat, millilik, vətənpərvərlik,
özündən böyüyə hörmət kimi hissləri aşılamalıdır ki, gələcəkdə vətənə layiqli
əsgər, ədalətli məmur, savadlı müəllim, vicdanlı həkim yetişsin.
Bir halda ki, onlar üçün yaradılan gözəl şəraitin içində böyüyən gənclər bütün
bunlardan məhrumdular.Çünki, onların mənəviyyatları media,səviyyəsiz və
əxlaqsız verilişlər, hər binanın altında yerləşən gecə klubları,
avropalaşma... və s. Bu kimi mənfi təsirlərdən korlanır.
Başımız itirilmiş torpaqlarımızın alınmasına, övladlarımızın tərbiyəsinə
deyil, “ eyş – işrət”ə qarışıb.
Heç də indiki vəziyyətdə torpaqlarının 20% alınan, ana-bacıları, qız-gəlinləri
erməni əsirliyində qalan, hər gün cəbhə bölgələrində şəhid verən anaların
ah-naləsi eşidilən torpağın övladlarına bənzəmirik.
Biz hələd ə qəflət yuxusundayıq. Övladlarımız da böyük bir uçurum
qarşısındadırlar. Bəs nə vaxt bu yuxudan ayılıb, onları bu uçurumdan
qurtaracağıq?. Əks halda övladlarımız əldən gedər. Övladalarımız əldən getsə,
vətən əldən gedər. Vətən əldən getsə ana çarəsiz qalar.
Bir ana kimi övladlarınızı xilas edin, harayına çatın!