Senat Riçard Morninqstarın ABŞ-ın Azərbaycandakı səfiri postuna namizədliyini təsdiqlədi
/Aran Agentliyi
ABŞ Senatın ümumi yığıncağında Riçard Morninqstarın ABŞ-ın Azərbaycanda səfiri postuna namizədliyi təsdiqləyib.Senatın rəsmi saytının verdiyi məlumata görə, R. Morninqstarla yanaşı, ABŞ-ın daha 10 ölkədə səfiri təsdiqlənib.
Prosedura görə, namizədliyi Senat tərəfindən təsdiqlənən səfir ABŞ Dövlət Departamentində and içdikdən sonra təyinat aldığı ölkəyə yollanır.
R. Morninqstarın yaxın həftələrdə Azərbaycana gələcəyi gözlənilir.
Qeyd edək ki, prezident Barak Obama bu il aprelin sonunda ABŞ Dövlət Departamentinin Avrasiyada enerji məsələləri üzrə xüsusi nümayəndəsi R. Morninqstarın ABŞ-ın Azərbaycanda səfiri postuna namizədliyini irəli sürüb. ABŞ Senatının xarici əlaqələr komitəsi iyunun 19-da bu namizədliyi bəyənib.
HaqqYolu