/Aran Agentliyi
Ey cahan əhli eşitməzsən könül fəryadını
Zalımın görməzmi oldun zülmü-istibdadını
Anlamazsan əhli-islamın dili naşadını
Xaneyi zülmün bizimçün qoydular bünyanını.
Gündə bir zalım gəlir, o xaniyə bir daş qoyur
Hər daşa da bir müsəlman can verir, ya baş qoyur.
Ey müsəlmanlar, nə müddətdir ki, məzlum olmuşuq
Çox hüquqdan əsirlərdir belə məhrum olmuşuq.
Sanma, bismillahilər biz cümlə məsum olmuşuq
Biz ki, daim ixtilaflar ilə məlum olmuşuq
Harda rast olduqca, saldıq ixtilafi məzhəbi
Bilmədik ki, hamı üçün birdir şəhadət məktəbi.
Ey müsəlmanlar, bu gün vəhdət şüar olsun gərək
Qoç igidlər cümləsi birdən səvar olsun gərək.
Bir-biri çün cümlə İslam əhli yar olsun gərək
Sinəmiz tiri ov üçün, çün hisar olsun gərək.
Yağılar üçün bu geniş dünyanı gəl dar eyliyək
Ta gələr Sahib Zaman bir iddəni xar eyliyək.
Ey müsəlmanlar, bilin ki, intiqam istər könül
Zülmü-istibdadi bu dünyada ram istər könül.
İnqilab istər könül, axır qiyam istər könül
Ya şəhadət şərbətindən dolu cam istər könül.
Biz dəbistani Hüseynik, Kərbala heyranıyıq
Kim deməz "Allahu Əkbər" biz onun düşməniyik.
Gəlməmişdən "kaf" və "nun" dünyada İslam varidi
Zərrələr təslim olurkən, cümləsi dindaridi.
Müslim idi həzrət Adəm, itaətkaridi
Çünki təslim olmuş idi, Nuh, Allah yarı idi
O səbəbdən həm Xəlil üçün narı gülüstan eylədi
Gör bizi Allah nə cür bir dinə dindar eylədi.
Ey Xuda, mislimlər yurdunda dustar eylədi
Şir bədənlərdən kəsib, başları topraq eylədi.
Zülmkarlar, leşkər üçün ədli bayraq eylədi
Xaneyi zülmün binasın bəndi noraq eylədi.
Gör necə məhv eylədi iranlının bünyadını
Dur, qiyam et, sən də gəl qoy inqilabın dadını.
Bir məkan ətrafına diqqətlər cəm oldu bu gün
Gördülər İslamın əzmin, kəl dövlətlər bu gün.
Hər müsəlman əsgəri verdikcə ibrətlər bu gün
Gördü haqqın qüdrətin, şeytan hökumətlər bu gün.
Qanilə haqq etdi topraqda şəhidlər bir səhər
Yazdı "innəd-dinə indəllahil-İslam" ey bəşər.
Dövrünün vahid imamı küfrilə cəng eylədi
Haqq xəlq etmiş məkanı küfr üçün təng eylədi.
Çatdı vəhdət nöqtəsində ruhu birəng eylədi
Gəldi xəlq ilə Xuda elmin həmahəng eylədi.
Gəl onun vəchi dirəxşanında nurullahı gör
Hikməti xəlq üçün seçilmiiş şahı gör.
Gör necə sədparə qıldı pərdəsin zülmətlərin
Etdi isbat, azad olmaq haqqı var hər millətin.
Xaliq ola mütləq gərək, tək sahibi sərvətlərin
Heyrəti mütləq gərək, İran üçün dövlətlərin.
Zülmü tərif etmə İslam İnqilabından danış
Zülmə qarşı dini İslamın cəmalından danış.
Yellər əssin, qoy yayılsın, çün sözüm hər yandır
Bilsin aləm, afərinim milləti-İrandir.
Həmxitabım, ey müsəlmanlar Azərbaycandır
Həm Fələstin, həm İraq, həm Əfqandır.
Bil, bizim üçün bizdən ayrı kimsə dərman eyləməz
Etməsək biz, bizləri bir kimsə xəndan eyləməz.
Ey müsəlmanlar durun ki, dərdə dərman vaxtıdır
Zülmü-istibdada qarşı cəng-üsyan vaxtıdır.
Rüstəma, tutum qələmdən, xəncəri də yad elə
Keyli-mülkündən səvay meydan da da gəl ad elə.