təəssüflər olsun ki, Azərbaycan Respublikası təmir və bərpa işləri adı altında mədəni irs sayılan bu kaşıları yerindən sökdü
Arannews-Türkiyənin Giresun Universitetinin iranlı müəllimi Abbas
Qarağacı deyib: İranlıların qonşu xalqlarla ortaqlıqları dostluq, qardaşlıq, əməkdaşlıq
və dinc yanaşı yaşamda təsirli amilə çevrilib.
Türkiyənin Giresun Universitetinin müəllimi Abbas Qarağacı müsahibədə
İranda azərilər, kürdlər, lorlar, bəluçlar, ərəblər, türkmənlər və digərlərinin
yaşamasına işarə edərək, deyib: İranda müxtəlif millətlərin nümayəndələrinin
yaşamasına rəğmən, bu millətlər ilə qonşu xalqlar arasındakı ortaqlıqlar dinc
yanaşı yaşamda təsirli amilə çevrilib.
Abbas Qarağacı Qərb medialarında Azərbaycan
Respublikasında son prezident seçkilərinin qeyri-demokratik və sağlam keçirilməməsi
ilə bağlı iddialara işarə edərək, deyib: Mənim qənaətimə görə, Bakı xarici təzyiqləri
azaltmaq üçün İrana qarşı düşmən siyasəti yürüdür.
Qarağacı əlavə edib: Nizami Gəncəvi
haqda demək lazımdır ki, o, görkəmli bir fars dilli ədibdir. Onun, illər öncə
tikilmiş məqbərəsi də üzərində şairin fars dilində şerləri olan kaşılar ilə bəzədilmişdi.
Amma, təəssüflər olsun ki, Azərbaycan Respublikası təmir və bərpa işləri adı
altında mədəni irs sayılan bu kaşıları yerindən sökdü.
Nizami Gəncəvi Mövlana, Farabi, Əbu
Reyhan Biruni kimi bu diyarın və bütün bəşəriyyətin ortaq elmi və mədəni
irsinin ulduzlarındandır. Bu kimi şəxsiyyətləri
yalnız bir millət və ya məzhəbin hüdudları ilə məhdudlaşdırmaq onlara hörmətsizlik
sayılır.
O, daha sonra deyib: Çövkən oyunu barədə də demək lazımdır ki, bu oyuna
Orta Asiya, Mərkəzi Anadolu və Qafqaz bölgəsində rast gəlmək mümkündür.
Anadoluda bu oyuna "Girit", Mərkəzi Asiyada "Bozkası"
deyirlər. Amma, "Çövkən" adı ilə tanınan oyun tarix boyu iranlıların ən
mühüm idman oyunlarından biri olub və bunu inkar etmək qeyri mümkündür. İsfahan
və Qəzvində mövcud olan tarixi əsərlər də buna bir sübutdur. Belə ki, orada
Çövkən oyun meydanları mövcuddur.
Abbas Qarağacı İran və Azərbaycan
Respublikası sərhədində baş vermiş son hadisələrə gəlincə, Bakının Tehran ilə
dialoqa üstünlük verməli olduğunu bildirib.