Arannews-Ölkənin tanınmış "Haykakan Jamanak" qəzetinin məlumatına
görə, Ermənistanın ikinci böyük şəhəri Gümrü bundan sonra qapalı zona elan ediləcək.
Xəbərə əsasən, mübahisəli qərar gerçəkləşsə istənilən Ermənistan vətəndaşı
Gümrüyə xüsusi icazə sənədi ilə daxil ola və ya şəhəri tərk edə bilər.
Gümrü şəhərinin gediş-gəlişə bağlanması məsələsi Rusiya prezidenti Vladimir Putinin Ermənistana
səfəri çərçivəsində də müzakirə mövzusu ola bilər. Məsələ ilə bağlı Ermənistanın
müdafiə nazirliyindən açıqlama almağa çalışan qəzet əməkdaşları maraqlı cavabla
qarşılaşıb.
Nazirliyin sözçüsü Artsun Hovanesyan deyib ki, əgər bu məsələ Rusiyanın
Gümrüdəki bazasından irəli gəlirsə, buna görə Ermənistanın açıqlama verməyə
hüququ yoxdur, yaxşı olar ki, qəzet Rusiya tərəfinə müraciət etsin.