Arannews - İran Atom Təşkilatı ilə Rusiyanın "Rosatom" Dövlət Korporasiyası arasında yeni atom elektrik stansiyalarının inşası üçün ilkin razılıq əldə edilib .
İran Atom Təşkilatının sözçüsü Bəhruz Kamalvəndi bu barədə rəsmi açıqlama verib. O, "Rosatom" ilə Buşehrdəki AES-in yaxınlığında 1000 meqavat-saat gücündə ən az iki AES-in inşası barədə ilkin razılıq əldə etdiklərini bildirib .
Tərəflərin ən qısa zamanda texniki və maliyyə şərtləri mövzusunda görüşəcəyi və müqavilə imzalanacağı vurğulanıb.