biz nəticələrə nail olmalı, öz vədlərimizi və öhdəliklərimizi yerinə yetirməliyik
Trend-in məlumatına görə, President İlham Əliyev Bakıda II Qlobal Açıq Cəmiyyətlər Forumunda deyib : “Bizə sabitlik lazımdır, çünki sabitlik olmadan bütün bunları həyata keçirmək mümkün deyil. Əhalinin əksəriyyətinin dəstəklədiyi çox dəqiq daxili siyasət lazımdır. Və biz nəticələrə nail olmalı, öz vədlərimizi və öhdəliklərimizi yerinə yetirməliyik”.
İlham Əliyev DQ məsələsi barədə qeyd edib ki, İşğal davam edir, biz etnik təmizləmənin obyekti olmuşuq, ölkəmizin tarixən ayrılmaz hissəsi olan Dağlıq Qarabağ və ona bitişik yeddi rayon 20 ildən artıqdır ki, işğala məruz qalır.
İlham Əliyev deyib : “Ərazi bütövlüyümüzü bərpa edəcəyik və Azərbaycan xalqı, 1 milyondan çox məcburi köçkün və qaçqın hazırda işğal altında olan öz doğma torpaqlarında, evlərində yaşamaq hüququnu əldə edəcəklər. 90-cı illərdə Dağlıq Qarabağda qanunsuz referendum keçirilib. Buna qədər Qarabağ əhalisinin üçdə birini təşkil edən etnik azərbaycanlılar oradan qovulub. Bu qondarma referendum qanunsuz olub və məhz buna görə də dünyanın heç bir ölkəsi qondarma "Dağlıq Qarabağ respublikası"nı tanımayıb və tanımır".