Arannews - Türkiyə şirkəti ötən il Azərbaycana təqribən 1 milyon dollar dəyərində silah-sursat satıb .
Türkiyənin Makina və Kimya Sənayesi Təşkilatı (MKE) 2013-cü ildə Azərbaycana 2 004 774 lirə (966 526.33 ABŞ dolları) dəyərində ixracat həyata keçirib.
Bu barədə MKE şirkətindən məlumat verilib.
Azərbaycan MKE-nin məhsul ixrac etdiyi ölkələr siyahısında ixrac həcminə görə 6-cı ölkə olub.
Şirkət 2012-ci ildə Azərbaycana 292 332 dollar dəyərində ixracat gerçəkləşdirib.
MKE-nin Azərbaycana ixracatını snayper tüfəngləri, müxtəlif atıcı silahlar, mühəndis vasitələri, həmçinin müdafiə sənayesində istifadə olunan müxtəlif məhsullar təşkil edib.