Arannews - İran
İslam Respublikası və Azərbaycan Respublikası arasında neft və qaz sahəsində
qarşılıqlı anlaşma memorandumu imzalanıb.
Azərbaycan
Respublikasının Dövlət Neft Şirkətinin nümayəndə heyəti İrana işgüzar səfəri
zamanı İranın Neft Sənayesi Elmi Tədqiqat İnstitutunda olub.
Azərbaycan
Respublikası Dövlət Neft Şirkətinin verdiyi məlumata görə, bu səfərdə İranın
Neft Sənayesi Elmi Tədqiqat İnstitutu rəhbərinin müavini Əmir Abbas Hüseyni Azərbaycan
Respublikası Dövlət Neft Şirkətinin neft-qaz elmi tədqiqat layihə
Departamentinin rəhbəri Fəxrəddin İsmayılov, bu departamentin direktor müavinləri
Bağır Süleymanov və Əhməd Salmanov və qeyd olunan şirkətin Nanotexnologiyalar
Departamentinin direktoru Valeh Şamilova bu institutun yerinə yetirilən layihələri,
elmi tədqiqatlar və nano-texnologiya sahəsində gördüyü işlər barəsində məlumat
verib.
Azərbaycan
Respublikasının nümayəndə heyəti də Azərbaycanın neft və qaz sənayesində həyata
keçirilən elmi işlər və texnologiyalar barədə qarşı tərəfə məlumat verib.
Görüşdə hər iki
institut arasında əməkdaşlığın genişləndirilməsi perspektivləri müzakirə edilib
və qarşılıqlı anlaşma memorandumu imzalanıb.
Memorandumda neft və
qaz yataqlarının kəşfiyyatı, ehtiyatların qiymətləndirilməsi, ekoloji məsələlərin
həlli, eləcə də tədqiqi və tətbiqi işlər üzrə birgə əməkdaşlıq nəzərdə tutulub.