Ermine Naqdalyan AŞPA-nın siyasət komissiyasında müzakirəyə qoyulan “Dağlıq Qarabağda və Azərbaycanın digər işğal olunmuş torpaqlarında zorakılıq ...
Arannews - Ermənistan mətbuatı keçən həftə Ermənistan nümayəndə heyətinin Avropa Şurası Parlament Assambleyasının (AŞPA) iclasından qovulması məsələsinə ciddi diqqət yetirib.
Məlumata görə, gündəlik dərc olunan “Joxovurd” qəzeti buna xüsusi məqalə həsr edib. Məqalədə AŞPA-da Ermənistan nümayəndə heyətinə başçılıq edən HErmine Naqdalyanın Strasburqda üzləşdiyi biabırçılıqdan bəhs edilir. “Keçən həftə Strasburqda baş verənlər sadəcə biabırçılıq idi və bunun üçün ən azı istefa vermək lazım idi”.
Müəllifin yazdığına görə, HErmine Naqdalyan AŞPA-nın siyasət komissiyasında müzakirəyə qoyulan “Dağlıq Qarabağda və Azərbaycanın digər işğal olunmuş torpaqlarında zorakılıq hallarının artması” adlı məruzə-qətnamənin müzakirəsi zamanı ağılsızlıq edib. Məruzənin adının dəyişdirilməsinə çalışan erməni xanım tərbiyəsiz ifadələr işlədib və buna görə də Ermənistan nümayəndə heyətinin mikrofonları söndürülüb, müzakirənin erməni dilinə tərcüməsi dayandırılıb və Ermənistan nümayəndə heyəti zaldan çıxarılıb.
Əslində, HErmine Naqdalyanın siyasi keçmişinə nəzər saldıqda onun başqa cür davrana biləcəyini güman etmək olmur. “Joxovurd” bir məsələni unudur ki, 1960-cı ildə İrəvanda anadan olmuş HErmine Naqdalyanın bir terrorçu keçmişi var. O, 1991-1994-cü illərdə Dağlıq Qarabağda və ətraf rayonlarda dinc azərbaycanlı əhaliyə divan tutulması əməliyyatlarında iştirak edib və hətta buna görə Ermənistan rəhbərliyi tərəfindən mükafatlandırılıb. Yəni bu qədər cinayətkar keçmişi olan, yüzlərlə günahsız dinc sakinin qətlinin günahını boynunda daşıyan adam necə tərbiyəli davrana bilər?..