Bu il Rusiyada rublun dəyərsizləşməsi və xam neftin qiymətinin ucuzlaşmasının davam edəcəyi halda Azərbaycanda da alıcılıq qabliyyəti kəskin aşağı düşəcək
Arannews - “Bu il ailə
büdcəsində ərzaq xərcləmələrinə yönələn vəsaitlərin həcmi artacaq”.
bu açıqlama ilə iqtisadçı
Qubad İbadoğlu öz Feysbuk səhifəsində çıxış edib.
O, Rusiyadakı vəziyyətlə əlaqədər
Azərbaycanda da alıcılıq qabilliyyətinin azala biləcəyini söyləyib:
“Bu il Rusiyada rublun dəyərsizləşməsi
və xam neftin qiymətinin ucuzlaşmasının davam edəcəyi halda Azərbaycanda da
alıcılıq qabliyyəti kəskin aşağı düşəcək. Bu da xüsusilə qeyri-ərzaq mallarının
və məişət məhsullarının satışının əhəmiyyətli dərəcədə azalmasını şərtləndirəcək.
Nəticədə, bu il bir tərəfdən ailə büdcəsində ərzaq xərcləmələrinə yönələn vəsaitlərin
həcmi artacaq, digər tərəfdən də qeyri-ərzaq məhsullarının satışı ilə məşğul
olan ticarətçilər böhran şəraitində işləməli olacaqlar. Yeni ildə yeni şərtlərlə
işləmək məcburiyyətində qalan milli iqtisadiyyatın neftin dünya bazar qiymətlərinin
ucuzlaşmasına və Rusiyadakı böhrana necə adaptasiya olunacağından da çox şey
asılıdır. Əks təqdirdə yaranmış vəziyyətdən ən çox əziyyət çəkən yalnız
istehlakçılar deyil, həm də kiçik və orta sahibkarlar olacaq”.