Tale Bağırzadə: "Hansı "sübut" əsasında bizi "Boko Haram", İŞİD və sair kimi terror təşkilatları, eyni halda dünyada terrorçuluqla tanınan şəxslərlə bərabər tutmalarını isə Xəzər TV və ATV ilə məhkəmədə aydınlaşdırarıq."
Arannews- Məlum olduğu kimi ATV və Xəzər telekanalında "Müsəlman Birliyi Hərəkatı"nın əleyhinə kadr nümayiş etdirilib. Kadrlarda təşkilat və üzvləri terrorçu təşkilatlarla eyniləşdirilib.
məsələ ilə bağlı "MBH"-nın sədri Tale Bağırzadə özünün sosial şəbəkə profilində bu haqda yazıb: " 7 Noyabr-da Xəzər TV-nin və ATV axşam xəbərlərində “Müsəlman Birliyi Hərəkatı”nın adına hazırlanmış xəbər blokunu səbr və təmkinlə izlədik. Şər və böhtanla zəngin olan xəbəri izləyən hər bir şəxsi qəzəbinə sahib olmağı və bu işdə dözüm nümayiş etdirməyə çağırırıq. İlk öncə bunu deyək ki, səbr zəiflik deyil, əksinə, bir mücadilədir. Baş verənlər əslində Azərbaycan xalqına qarşı yönəlmiş mənəvi terrordur. Xəzər TV-nin və ATV-nin ixtişaş niyyətinə hesablanmış bu xəbərinə biz qanun çərçivəsində cavab verəcək və bu kimi bir çox təxribat tipli oyunlara heç bir halda uymayacağımızı bir daha bəyan edirik. Qanunsuzluqla müşahidə olunan cəmiyyətin Azərbaycan gerçəkliyində biz qanunların aliliyini qorumuş və qoruyacağıqda. Hansı "sübut" əsasında bizi "Boko Haram", İŞİD və sair kimi terror təşkilatları, eyni halda dünyada terrorçuluqla tanınan şəxslərlə bərabər tutmalarını isə Xəzər TV və ATV ilə məhkəmədə aydınlaşdırarıq."