Pan Gi Mun Türkiyə Silahlı Qüvvələri tərəfindən Rusiya təyyarəsinin vurulması hadisəsindən ciddi narahat olduğunu bildirib.
AranNews- bu sözləri BMT-nin mətbuat katibi mətbuat konfransı zamanı deyib. O bildirib ki, baş katib gərginliyin aradan qaldırılması üçün tərəfləri təcili tədbirlər görməyə çağırıb: “Baş katib bildirir ki, hadisənin obyektiv araşdırılması nəyin baş verdiyini üzə çıxaracaq və bu kimi halların gələcəkdə baş verməsinin qarşısını alacaq. Pan Gi Mun Suriya münaqişəsinə cəlb olunmuş bütün tərəfləri, xüsusilə hava əməliyyatlarını aparanları gözlənilməz nəticələrdən qaçmaq üçün operativ tədbirlər görməyə və dinc əhalini qorumaq üçün əllərindən gələni etməyə çağırıb”.