Əhər şəhristanının imam cüməsi Ayətullah Hacızadə Nardaran hadisələri barədə narahat olduğunu bildirib.
AranNews- Əhər şəhristanının imam cüməsi Ayətullah Hacızadə Nardaran hadisələri barədə narahat olduğunu bildirərək deyib: "Bu hadisə olmamalı idi. Təəssüflər olsun ki, imam Hüseynə (ə) matəm saxlamaq üçün bir yerə toplaşmış müsəlmanlardan bir neçəsi bu hadisədə şəhid olmuşdur. İmperializmdən asılı olan dövlətin polisi bundan artıq ola bilməz. Aydındır ki, xalq nə qədər Allahçı olarsa, ölkəsi üçün bir o qədər bərəkət gətirər. Amma bu imperializm muzdurları bunu başa düşmürlər və ixlaslı, mömin müsəlmanları ovlamaq niyyətindədirlər. Çünki öz səhv siyasətləri önündə onları maneə görürlər. Ona görə də ümidvarıq ki, Azərbaycan Respublikasının hakimiyyəti öz siyasətlərinə yenidən baxsın, xalqın etiqadı, Əhli-Beyt (ə) sevgisi və Hüseyn sevgisi hisləri ilə oynamasın. Bilsin ki, bu ağılsızlığı davam etdirdiyi surətdə xalqdan sərt cavab alacaq".