Tarix : 2016 Jan 31
Kod 47754

Qondarma qadın azadlığı

8 Mart qadınlar bayramı, məhz düşmənin maraqlarına ximdət edən bir bayramdır.
AranNews- Təəssüflər olsun ki, bugün qadın azadlığından, qadın hüquqlarından ağız dolusu danışılsa da həqiqətdə qadın müasir dünyanın qul və köləsinə çevrilib.
Qadın azaddır deyib onu sözün əsil mənasında qul ediblər. Hətta qadının azad olması münasibəti ilə bayram da qeyd edirlər. Qadının açıq-saçıq geyinməsi, reklam çarxlarında cəlb edici bir vasitə kimi istifadə edilməsi və alver vasitəsinə çevrilməsi həqiqətdə qadının nə qədər azadlıqdan uzaq olduğunu göstərir. Bugün müəyyən sistemlər, qruplar qadın azadlığını əldə bayraq edərək həqiqətdə qadının əsil azadlığını əlindən alır. Dünyada minlərlə qadın satılır, təhqir olunaraq əxlaqsızlığa doğru məcbur edilir.
Eyni zamanda, qadın azadlığı altında minlərlə qadının fəaliyyətini elə hala salıblar ki, sanki o bir məhsuldur. Qadınların hədəfə alınması, əxlaqsızlığa sürüklənməsi heç də təsadüfü bir hal deyil. Çünki gələcəyi yetişdirən məhz qadındır –anadır. İnsanlığın düşməni kəsilmiş bəzi sistemlər isə bugün ananın məqamını əlindən almaq istəyir.
Gələcək nəsili daha da əxlaqsız etmək üçün bugün anaları azadlıq adı altında öz evlərindən çıxararaq küçə və bazarlarda, özü də açıq-saçıq və cəlbedici bir vəziyyətdə kişilərlə bir yerdə işləməyə təhrik edirlər. Bu yollada ananı öz övladından ayıraraq gələcək nəsilin tərbiyəsini zəhərli əqidə və ideyalar ilə dolu olan cəmiyyətin ixtiyarına buraxırlar.
Qadınlara qarşı bu plan bütün dünyada həyata keçirilir. Bir az ətrafımıza nəzər salsaq bizim cəmiyyətdə də eyni proseslərin getdiyinin şahidi olarıq.
Sadəcə ən böyük təbliğat vasitəsi olan televiziyalarda nümayiş etdirilən verliş, kino və seriallara nəzər salsaq bu həqiqəti çox asanlıqla görə bilərik.
Bugün televiziyada aparılan çirkin təbliğat vasitəsi ilə qadınlara açıq-saçıqlığı, əxalqsızlığı, həyat yoldaşına xəyanəti adi hal kimi göstərməyə çalışırlar. Bütün günün televiziya qarşısnda keçirən gənc qızlar isə göstərilənlərin təsirinə düşərək özlərini bədbəxt edirlər.
Aparılan bu təbliğatın müəyyən nəticələr verməsinə sübut il ildən boşanmaların sayının çoxalması və xəyanət səbəbində qadınların qətlə yetirilməsidir. Düşmən çalışır ki, bacardığı qədər ailələri dağıtsın və qadınların qeyri qanuni yol ilə uşaq dünyaya gətirməsini çoxaltsın. Çünki onlara namuslu, qeyrətli insanlar xeyir etmir, onlara zinadan dünyaya gələn insanlar sərf edir.
8 Mart qadınlar bayramı da məhz düşmənin maraqlarına ximdət edən bir bayramdır. İl boyu qadını şəhvət əsiri və kölə kimi işlədir, sadəcə bir gün isə qadına bayram edərək bütün il boyu etdiklərinin üstünü ört basdır etmək istəyirlər. Tam məsuliyyəti ilə deyə bilərəm ki, qadına sözün əsil mənasında azadlığı məhz İslam dini verdi. Buna şübhə ilə yanaşanların İslam şəriətində qadın hüquqları haqqında oxuması kifayət edər. İslam dini qadına azadlıq verdiyindən bugün düşmənin mübarizə apardığı əsas dəyərlər də məhz İslam dəyərləridir. Hicaba qarşı aparılan mənfur təbliğat da məhz düşmənin bu dəyərlər ilə mübarizəsinin bir qismidir. Qadın hicaba riayət etməklə düşmənin məqsədlərini gözündə qoymuş olur. Çünki düşmənin bugünkü hədəfi qadını soyunduraraq ondan istədiyi kimi istifadə etməkdir. Ancaq nə qədər ki, Allahın bizlərə bəxş etdiyi İslam dini mövcuddur, o vaxta qədər də düşmən öz məqsədlərinə tam şəkildə çata bilməyəcək.
Allahın əmrlərini hər şeydən üstün tutan namuslu, həyalı mömünə bacılarımız mövcu olduqca düşmən heç vaxt öz hədəfinə çata bilməyəcək.

  • Yazılıb
  • da (də) 2016 Jan 31
  • Göndərən مدير سايت Aran News