Çeçenistan rəhbəri Ramzan Kadırov Qroznıda çoxminlik mitinq zamanı sələfiləri hədələyib.
AranNews- Kadırov qonşu İnquşetiya Respublikasında fəaliyyət göstərən İsa Çeçoyev və Həmzər Çumakovu “sələfi şeytanları” adlandırıb: “İsa Çeçoyev böyük şeytandır. Əgər o, cəsarət tapıb, Çeçenistanda moizə deyərsə, birinici dəfə bunu bağışlayarıq, amma ikinci dəfə belə edərsə, onun başı gedəcək”.
Kadırov Çeçoyev və Çumakovun dini fəaliyyətinin qadağan olunması üçün İnquşetiya rəhbərliyinə müraciət edib. Çeçen lider əks halda özünün bu məsələyə müdaxilə edəcəyini deyib. O, həmçinin Dağıstan rəhbərliyindən də sələfilərə qarşı təqibləri gücləndirməyi tələb edib: “Sələfilik və vəhhabilik bizdə olmayacaq. Onlar şeytana qulluq edir”.