Vəkil Yalçın İmanov bu gün Qobustan Qapalı Həbsxanasında AİP lideri, haci Mövsüm Səmədovla görüşüb.
AranNews- Bu barədə Yalçın İmanovun özü məlumat verib.
Müvəkkilinin səhhətinin və əhval ruhiyyəsinin normal olduğunu söyləyən Yalçın İmanov, Mövsüm Səmədovun informasiya almaqda problemlərinin olduğunu söyləyib: “Mövsüm Səmədovun qəzetlə təmin olunması ilə bağlı problemlər hələ də həllini tapmayıb. Bu baxımdan Doktor Səmədov ölkədə və dünyada baş verən ictimai siyasi proseslərlə bağlı məlumat ala bilmir. Görüş zamanı eyni halda müvəkkilimlə qarşıdan gələn günlərdə atılacaq hüquqi proseslərlə bağlı müəyyən məsələləri müzakirə etdik və bu barədə mütəmadi olaraq bundan sonra ictimaiyyətə açıqlamalar verəcəyik.”
Qeyd edək ki, Yalçın İmanov AİP lideri Mövsüm Səmədovun yeni vəkilidir. Yalçın İmanovla yanaşı Mövsüm Səmədovun hüquqlarını Anar Qasımlı da qoruyur.