Tarix : 2016 Feb 16
Kod 47930

Gürcüstanla İran arasında viza rejimi ləğv olundu

İranın Gürcüstandakı səfirinin müavini Möhsün Kebryay bildirib ki, Gürcüstanla İran arasında viza rejimi ləğv olunub.
AranNews- İranın Gürcüstandakı səfirinin müavini Möhsün Kebryay bildirib ki, Gürcüstanla İran arasında viza rejimi ləğv olunub.
O deyib ki, fevralın 15-dən viza rejiminin ləğvi hər iki ölkə arasında iqtisadi əlaqələrin inkişafına kömək edəcək.
“Viza rejiminin ləğv edilməsi İran və Gürcüstan arasında ticarət dövriyyəsinin inkişaf etdirilməsinə müsbət təsir göstərəcək. Ölkələrimiz arasında sərbəst gediş-gəliş varsa, investisiyası olan insanlar azad şəkildə ölkəyə gələcək və investisiya yatıraraq ticarət fəaliyyətini sərbəst inkişaf etdirəcək. 2012-2013-cü illərdə ticarət dövriyyəsi 200 milyon idisə, hazırda bu 130 milyona da çatmır və əmtəə dövriyyəsini artırmaq üçün potensial var. Biz bu çatışmazlığı düzəldə bilərik”, – Kebryay belə deyib.
  • Yazılıb
  • da (də) 2016 Feb 16
  • Göndərən مدير سايت Aran News