İngiltərə dövləti 2013-cü ildə Suriya dövlətinin mövqelərinə hücuma keçmək üçün parlamentin razılığını əldə edə bilmədikdən sonra,...
Arannews- İngiltərədə çıxan bir qəzet bu ölkə dövlətinin suriya müxalifətini qanuniləşdirmək üçün həyata keçirdiyi gizli strategiyasını ifşa edib.
Londonda çıxan Qardian qəzeti bu günkü sayında yazır: İngiltərə dövləti 2013-cü ildə Suriya dövlətinin mövqelərinə hücuma keçmək üçün parlamentin razılığını əldə edə bilmədikdən sonra, həmən il payızda Suriyaya nüfüz edərək, silahlı müxalifəti ümumi fikirə qanuni göstərmək üçün gizli kampaniyaya start verdi.
Qardian yazır ki, İngiltərə dövləti bu məqsəd üçün 2 milyon 400 min pond vəsayit ayırıb. Həmini vəsait hesabına Türkiyənin İstanbul şəhərində müəyyən şəxsləri işə götürüb və strateji əlaqələr və mediya əməliyyatları yolu ilə Suriyadakı silahlı müxalifətə dəstək siyasətini icra edib.
Qardian qəzeti yazır: Sözü gedən kampaniyanın üzvləri ilk öncə İngiltərənin Xarici İşlər Nazirliyi tərəfindən fəaliyyətə cəlb olunub, sonra isə bu ölkənin Müdafiə Nazirliyinin nəzarəti altında Suriyanın silahlı müxalifətinin xeyirinə video, şəkil, telereportajların hazırlanması və sosial şəbəkələrdə fəallıq göstərilməsinə yönəldilib. Həmin kampaniya çərçivəsində İngiltərə dövlətinin izi olmadan ərəb mediyasında suriyalı müxalifətin xeyirinə məlumatlar yayılıb.
Qardian yazır: Bu faktlar göstərir ki, İngiltərə dövləti Suriyada hərbi müdaxiləyə nail olmadığı sürəcdə bu gizli planı davam etdirmək niyyətində olub.
Suriya böhranı 2011-ci ildə Amerika və onun müttəfiqlərinin dəstəklədikləri terrorçu qrupların, Suriyanın qanuni və legitim dövlətini devirmək məqsədi ilə geniş hücumu nəticəsində başlanmışdır.