İranın Xarici İşlər Nazirliyi Azərbaycanla sərhəd –buraxılış məntəqələrində güzəştlərin tətbiqi məsələsini araşdırır.
AranNews- bunu İranın Xarici işlər Nazirliyinin sözçüsü Hüseyn Cabiri Ənsari bildirib.
H.Cabiri Ənsari deyib ki, ötən həftə Azərbaycan və İran müştərək sərhəd-buraxılış məntəqələrinə və sərhədinə baxış keçirib. “Hər iki tərəfdən gediş-gəlişə nəzarət buraxılış məntəqəsinin işi ilə tanış oldum və bir sıra problemlərin olduğunun şahidi oldum. İranın Xarici İşlər Nazirliyi sərhəd –buraxılış məntəqələrində hər iki ölkənin vətəndaşlarının gediş – gəlişinin asanlaşdırılması, həmçinin yük daşımaları və yük maşınlarının gediş-gəlişinin asanlaşmasını gündəmdə saxlayır”.
H.Cabiri Ənsari qeyd edib ki, sərhəd-buraxılış məntəqəsinin məsul şəxsləri bütün çətinliklərə baxmayaraq çalışırlar ki, hər iki ölkənin vətəndaşlarına xidmət etsinlər və onların gediş-gəlişini asanlaşdırsınlar: “Ümid edirəm sərhəd-buraxılış məntəqələrində mövcud olan bəzi problemlər aidiyyatı qurumlar tərəfindən öz həllini tapacaq”.
H.Cabiri Ənsari Araz iqtisadi zonasının uğurlu bir iqtisadi zona olduğunu da vurğulayıb: “Ümid edirəm sanksiyaların ləğvindən sonra iqtisadi zonada düzgün idarəetmə nəticəsində daha faydalı işlər görüləcək”.