Tarix : 2016 May 14
Kod 48819

Minsk qrupu prezidentləri təcili görüşə çağırdı – BƏYANAT

ATƏT-in Minsk qrupu Dağlıq Qarabağ münaqişəsi ilə bağlı bəyanat imzalayıb.
AranNews- ATƏT-in rəsmi saytına istinadən, həmsədrlər İqor Popov (Rusiya), Ceyms Uorlik (ABŞ), Pyer Andrienin (Fransa) imzaladığı bəyanatda Azərbaycan və Ermənistan prezidentlərinin görüşməyinin vaxtı çatdığı deyilir.
“Münaqişə zonasında zorakılığın və gərginliyin artması prezidentlərin təcili olaraq görüşməsinin vaxtı çatdığını göstərir. Bizim xarici işlər nazirlərimiz bu görüşün gələn həftə Vyanada keçirilməsinə yardım etməyə hazırdırlar. Onların əsas məqsədi danışıqları yenidən başlamaq üçün əlverişli şərtləri müzakirə etmək, atəşkəs rejimini möhkəmləndirmək və etimadın bərpa edilməsi üçün razılığın əldə olunmasıdır. Əgər zorakılıq davam edərsə, danışıqlarda heç bir müvəffəqiyyət ola bilməz. Həmçinin, danışıqlar prosesi olmadan heç bir sülh əldə edilə bilməz. Biz təkrar edirik ki, münaqişənin həllində hərbi yol yoxdur”, – deyə bəyanatda qeyd olunur.
  • Yazılıb
  • da (də) 2016 May 14
  • Göndərən مدير سايت Aran News