Yəməndə 14 milyon 400 min nəfər (Yəmən əhalisinin yarısından çoxu ) təcili olaraq ərzaqla və digər yaşayış ehtiyacları ilə təmin olunmaldıır.
Arannews- Səudiyyə Ərəbistanın amansız hücumları davam etdiyi bir vaxtda BMT Yəməndə kəskin ərzaq təhlükəsizliyi vəziyyəti haqqında xəbərdarlıq edib və bildirib ki, əgər maliyyə yardımları təmin olunmazsa bu böhran getdikcə daha da ağırlaşacaq.
BMT xəbərdarlıq edib ki, əgər Yəmənə ərzaq təmin olunmazsa bu ölkədə insan faciəsi yaşayacaq.
BMT-nin Ərzaq və Kənd Təsərrüfatı Təşkilatı bundan öncə bildirmişdi ki, Yəməndə 14 milyon 400 min nəfər (Yəmən əhalisinin yarısından çoxu ) təcili olaraq ərzaqla və digər yaşayış ehtiyacları ilə təmin olunmaldıır.
Yəməndə yaşayış səviyyəsi Səudiyyə Ərəbistan rejiminin bu ölkəni mühasirədə saxladığı üçün ağırlaşıb.
Ötən ilin mart ayından Səudiyyə Ərəbistan Yəmənə hərbi hücumlarını davam etdirir. Bu təcavüz nəticəsində indiyədək 9 min 500 nəfər (Onlardan 4000 nəfəri uşaq və qadınlardır) həyatını itirib və 16 min nəfərdən çox insan yaralanıb.
Səudiyyə rejimi Yəməni mühasirədə saxlamaqla bu ölkəyə ərzaq , dərman və digər zəruri hesab olunan məhsulların çatmasını əngəlləyir. Tibbi avadanlıqların və dərmanların olmaması Yəməndə yaralı insanlar üçün təhlükə yaradır. Həkimlər məcburdur yaralıları texniki avadanlığı az olan və bombardıman nəticəsində ziyan görmüş xəstəxanalarda müalicə etsin.
Qeyd edək ki, Qırmızı Xaç Cəmiyyəti yanvar ayında hesabat yayımlamışdı və Səudiyyə rejimi tərəfindən xəstəxana və tibb mərkəzlərinin bombalanmasını pisləmişdir.
Bildirmişdir ki, tibb avadanlığı və həkimlərin çatışmamazlığı Yəməndə milyonlarla insanın canı üçün təhlükə yaradır.