Azərbaycan Mədəniyyət və Turizm Nazirliyi Sovetski-də yerləşən qədim məscidin sökülmə işlərini dayandırıb.
AranNews- Azərbaycan Mədəniyyət və Turizm Nazirliyi Mustafa Sübhi küçəsi, 63 ünvanında yerləşən qədim məscidin sökülmə işlərini dayandırıb.
“Bu məscidin sökülməsi ilə bağlı məlumatı əldə edən kimi mütəxəssislərimiz hadisə yerinə yollandı və Bakı Şəhər İcra Hakimiyyətinin müvafiq strukturları ilə danışıqlardan sonra bu binanın sökülmə işləri dayandırıldı”, - o deyib.
Zakir Sultanovun sözlərinə əsasən, 1908-ci ildə tikilmiş Hacı Əbdülrəhimbəy məscidi səhvən reyestrə yaşayış evi kimi daxil edilib. Bu il Mədəniyyət və Turizm Nazirliyinin təqdimatı üzrə bina məscid kimi tarixi-mədəni əhəmiyyət kəsb edən və mühafizə edilən obyektlər siyahısına daxil edilmişdi.
Xatırladaq ki, bu günlərdə virtualaz.org “Sovetski”də aparılan söküntü işləri ilə bağlı bir neçə yazı dərc edib.
Həmçinin sosial şəbəkələrdə şəhərin tarixi simasının qorunub saxlanılması məqsədilə imza toplanması aksiyası keçirilir ki, bunu artıq ölkənin bir sıra ictimai xadimi dəstəkləyib.