Liviyadakı ordu qüvvələri, Suvavə bölgəsiylə Sirt limanında nəzarəti bərpa edib.
AranNews, xəbər verir ki, Liviyadakı Milli Birlik Hökumətinə bağlı ordu qüvvələri İŞİD-lə dünən gecə baş verən qarşıdurmalardan sonra, Suvavə bölgəsiylə Sirt limanında nəzarəti bərpa edib.
Liviya diktatoru Müəmmar Qəzzafinin doğulduğu yer və İŞİD-in Liviyadakı "qalası" sayılan Sirt şəhəri limanının işğaldan azad edilməsi üçün aparılan əməliyyatlarda 12 Liviya əsgəri ölüb, 40 əsgər isə yaralanıb.
Qeyd edək ki, Liviyanın birlik hökuməti qüvvələri güclü qarşıdurmalardan sonra bu gün səhər Sirt şəhərinə daxil olmuşdur.