Əhli-sünnə alimlərindən olan Şeyx Tariq Yusif əl-Misri Qətif şəhərində yerləşən məsciddə 22 nəfərin ölümü ilə nəticələnən terror hücumundan söz açarkən maraqlı nüanslara toxunub.
AranNews-un “İslamazeri.az”-a istinadən verdiyi xəbərə görə, 22 nəfərin həyatını itirdiyi İmam Əli məscidinə təşkil edilən hücumla bağlı şərh verən Yusif əl-Misri bunları bildirib: "Bir insan necə olur ibadət yeri olan məscidə girərərək üzərindəki bombanı partladır və onlarla insanın həyatına belə bir yerdə son qoya bilir? Və necə ola bilər ki, bir insan namaz qılan onlarla insanı məsciddə öldürdükdən sonra mələklərin onu cənnətdə güllərlə qarşılayacağını fikirləşə?! Bu, həllini tapmayan və zehni çatışmazlığı özündə ehtiva edən böyük bir problemdir. Bu, İbn Teymiyyə və Muhəmməd ibni Əbdül-vahhabın zəhərli düşüncələrindən ilhamlanan sələfilik və vəhabilik təfəkküründən meydana çıxan bəladır. And olsun Allaha ki, İbn Teymiyyə və Əbdül-vahhabın kitablarını oxuyanların çatacağı son nöqtə terrorizmdir".
Xətib sözlərinə belə davam edib: "Hücumu edənlər İbni Teymiyyənin kitabları ilə böyüyən insanlardır. Yalnız İbn Teymiyyənin deyil, İbn Qəyyim, Abdulaziz ibn Baz, ibni əl-Uthaymən, Məhəmməd əl-Arifi, Məhammad Həsən, Salman əl-Udə, Osman əl-Hamis və sairlərinin qələmə aldığı kitablar, insanları terrorizmin qucağına atır. Kim İbni Teymiyyəni və düşüncələrini müdafiə etsə, İslam dünyasında ayrılığın fitilini yandıracağını unutmasın. Kim Əbdül-vahhabın düşüncələrini mənimsəsə, sonda İŞİD nümayəndəsinə çevriləcəyini unutmasın.
Bu insanlara terrorçu gözüylə baxmaq lazımdır. Şiələri təkfir edib, lənət deyən, onlara pis gözlə baxanlar, terrorçuluqla məşğul olan insanlardır. Salman əl-Udə cinlərin özünə şiələrin yəhudilərdən daha təhlükəli olduğunu söylədiyini iddia edir. Yəni, insanlarla kifayətlənməyib, şiəni kafir elan etmək üçün cinləri də işin içinə qatmağa başlayıb.
Səudiyyəlilər Yəmənə hücum üçün hər kəsə rüşvət verdilər. "Husi"lər haqqında yalan və batil sözlər uydurdular. İranı müsəlmanların əsl düşməni kimi tanıtmağa çalışdılar. Halbuki, İran xalqı şiədir. Xəlifə Əlini sevər, ona itaət edərlər. Demək ki, səudiyyəlilər əslində İranı deyil, Əhli-beyti hədəf alırlar.
Həzrəti İmam Hüseynin (ə) doğum günündə Qətifdə İmam Əli məscidinə təşkil edilən hücum sizcə tamamilə təsadüf və heç bir öncədən hazırlığı olmayan hərəkət idimi? Əlbəttə yox! Problem, bu insanların Əhli-beytlə olan kinindədir. Bu problemin kökünü qazımağın tək yolu var. O da İbn Teymiyyə və Əbdül-Vahhabın təməlini atdığı təkfirçi sələfi və vahabi cərəyanlarını yox etməkdir. Bu düşüncələri dəstəkləyən və yayan Səudiyyə xanədanı kənara itələnilməlidir".