Arannews- Tbilisidə Gürcüstan Müsəlmanları İdarəsinin şeyxi ölkədə fəaliyyət göstərən din xadimləri ilə ümumi toplantı keçirib. Toplantıda görülən işlər və görüləcək proqramlar haqda məlumat verilib, tənqid və təkliflər dinlənilərək suallar cavablandırılıb.
Din xadimlərinə yarım illik dini təlim, təbliğlərini və axundluq məsuliyyətlərini əks etdirən “Fəaliyyət anket”ləri təqdim olunub. Onlar dini fəaliyyətləri haqda verilmiş kağızları doldurub, şəkillər təqdim etməklə öz fəaliyyətləri haqda ətraflı məlumat vermiş olacaqlar.
Qeyd edək ki, bu ilin ilk toplantısı ilin əvvəlində olmuşdu. Növbəti toplantının sentyabr ayında keçirilməsi nəzərdə tutulur.