AranNews, bildirir ki, ixtilaflı açıqlamaları ilə məhşur olan Əl-Əzhər Şeyxi Əl-Qərdavinin, Ərəbistan baş müftisü bin baz-a xitabən etdiyi çıxışın, yazılı mətnini oxuculara təqdim edir:
Bismillahir-Rəhmanir-Rəhim
Nəfsimiz və çirkin əməllərimizin şərindən Allaha sığınıram. Ey müsəlmanlar! Hazırda İslam ümməti zillət və alçaqlıq dolu həssas bir dönəmdə yaşayır. Xüsusilə Misir xalqı sıxıntı və zillət içindədir.
Bir zaman misirlilər bütün sahələrdə zirvədə olub. Dini zəmində, İslama dəvətdə tərəqqi yaşanıb. Xüsusilə keçmişdə özü taleyini təyin edən Əl-Əzhər elm mərkəzi dini qurumlar üçün nümunə sayılıb. Çox çəkmədi ki, hər şey dəyişdi. Əl-Əzhər günəşi qürub etdi, simurğ meydanında milçəklər covlana başladı.
Bəzi Əl-Əzhər alimlərinin cibinə gedən Səudiyyə dolları o qədər şirin oldu ki, iffət-həyanı kənara qoydular, İslam qardaşlığına əhəmiyyət vermirlər, İslam qurumlarına yol göstərirlər. Əl-Əzhərin onların ardınca gedəcəyini təsəvvür edirlər. Onlara cürətlə deyir və uca səslə elan edirik ki, Əl-Əzhər hazırda baş verən hadisələrə baxmayaraq müstəqilliyini qoruyacaq. Əlbəttə, bu ağır durumu bütün Misir yaşayır. Çünki bu məmləkətə başçılıq edən şəxs Misir mədəniyyətini Ərəbistanın neft dollarlarına satır.
Biz qətiyyətlə bildiririk ki, həcc mövsümündə iki şərif hərəmin (Məkkə və Mədinə) təhlükəsizliyinin təminini İsrail şirkətinə tapşıranlar, yəhudilərlə həmkarlıq edənlər qarşısında əyilməmişik və əyilmərik. Allah buyurur ki, möminlərin ən qəddar düşməni yəhudilər və müşriklərdir.
Səudilər öz hakimiyyət sütunlarını ərəblərin sümükləri, Yəmən, İraq, Suriyada müsəlmanlar arasında ixtilaflar üzərində qurublar.
Sonda onları İslam ümməti arasında təfriqə salmaq əvəzinə həcc günlərində zəvvarların qətlinə, Mina hadisəsi rüsvayçılığına görə tövbəyə çağırıram. Səudiyyə müftisi Ali Şeyxə tövsiyə edirəm ki, Allahın əzabına düçar olmamış ilahi təqva yolunu tutsun! /RealnieNovosti/