Azərbaycanın və Ermənistanın XİN rəhbərləri Elmar Məmmədyarov və Edvard Nalbandyan ilə yaxın zamanda iki ölkənin prezidentlərinin görüşünü müzakirə edəcəklər.
Arannews- ATƏT-in Minsk qrupunun həmsədrləri İqor Popov (Rusiya), Ceyms Uorlik (ABŞ) və Pyer Andrie (Fransa), eləcə də ATƏT-in hazırkı sədrinin şəxsi nümayəndəsi Anje Kaspşik Azərbaycanın və Ermənistanın XİN rəhbərləri Elmar Məmmədyarov və Edvard Nalbandyan ilə yaxın zamanda iki ölkənin prezidentlərinin görüşünü müzakirə edəcəklər. bu barədə ATƏT-in press-relizində bildirilib.
Press-relizdəki məlumata görə, Ermənistan və Azərbaycan prezidentləri Serj Sarkisyan və İlham Əliyevin mümkün görüşünün müzakirəsi dekabrda ATƏT-in Xarici İşlər Nazirləri Şurasının iclası çərçivəsində Hamburqda keçiriləcək.