ABŞ koalisiyasının mətbuat katibi bildirib ki, Əbu Bəkr Bağdadi İŞİD terror qruplaşmasının üzərindəki nəzarətini itirib.
“AranNews”-un "Sky News" telekanalına istinadən verdiyi məlumatına görə, Con Dorrian qeyd edib ki, Əbu Bəkr Bağdadi və bir neçə terrorçu Mosul şəhərini tərk edərək qaçmağa çalışıblar.
Dünən İŞİD terror təşkilatının lideri Bağdadi, terrorçuları İraq ordusuna qarşı müqavimət göstərməyə çağırmışdı.
Qeyd edək ki, bu gün İraq ordusu Əl-Məlayin, Əs-Səmah, Əl-hadra, Kərkukli, Qüds və Kəram bölgələrini terrorçulardan azad edib.