Misir məhkəməsi sabiq prezident Məhəmməd Morsi haqqında çıxarılmış ölüm hökmünü ləğv edərək, onun yenidən mühakimə olunmasına qərar verdi.
“AranNews”-un verdiyi məlumata görə, ötən il mayın 16-da Misir məhkəməsi hakimiyyətdən uzaqlaşdırılmış prezident Məhəmməd Morsi və onun 100-dən artıq tərəfdarı haqqında ölüm hökmü çıxarmışdı.
Onlar 2011-ci il yanvar inqilabı zamanı «Müsəlman qardaşları» hərəkatı liderlərinin həbsxanadan qaçışının təşkilində və xarici təşkilatlarla işbirliyində ittiham olunaraq edama məhkum edilmişdilər.
Bu ilin aprelində Morsi 2012-ci ildə hakimiyyət əleyhinə mitinq iştirakçılarının təqibinə görə 20 il həbs cəzası almışdı.
Məhəmməd Morsi 2013-cü ildə ölkədə kütləvi aksiyalardan sonra hakimiyyətdən uzaqlaşdırılıb. /Maide.az/