Tarix : 2017 Mar 23
Kod 51403

Ərəblər Sarkisyanı təmtəraqla qarşıladı – FOTOLAR

Ermənistan Prezidenti Serj Sərksiyan Birləşmiş Ərəb Əmirliklərinə (BƏƏ) səfər edib.
AranNews”-un verdiyi xəbərə görə, səfər işgüzar məqsəd daşıyır. Paytaxt Əbu-Dabinin hava limanında Sərkisyanı BƏƏ-nin baş nazirinin müavini, prezident məsələləri üzrə naziri Şeyx Mənsur ibn Zayd əl-Nahayyan qarşılayıb.
Ermənistan prezidentinin mətbuat xidmətinin yaydığı məlumatda deyilir ki, təntənəli qarşılanma mərasimindən sonra S.Sərkisyan Şeyx Mənsur ibn Zayd Nahayyanla söhbət edib. Erməni prezident Ermənistan-Birləşmiş Ərəb Əmirlikləri investisiya forumunun təşkilatçılığına və aldığı dəvətə görə təşəkkür edib, həmçinin bundan sonrakı əməkdaşlıq imkanları haqda müzakirələr olub. Sərkisyan daha sonra BƏƏ-nin İqtisadiyyat naziri Sultan əl-Mənsurla görüşüb.
Xatırladaq ki, BƏƏ-nin də qatıldığı İslam Konfransı Təşkilatı Azərbaycan ərazilərinin Ermənistan tərəfindən işğalını və Xocalı soyqırmını pisləyən qətnamələr qəbul edib. /musavat.com/
  • Yazılıb
  • da (də) 2017 Mar 23
  • Göndərən مدير سايت Aran News