son 6 ildə Suriyada məğlub olan ABŞ və Avropa, təbliğat maşınını işə salaraq dünya ictimaiyyətinin fikrini yayındırmaq istəyir.
ARANNEWS- “İran və Rusiya Donald Tramp hökumətinin Suriyaya ağılsız hücumu qarşısında sakit oturmayacaq”. bunu İran parlamentinin xarici siyasət və milli təhlükəsizlik komissiyasının sədri Əlaiddin Bürucerdi deyib.
“Bütün dünya bilir ki, suriyalılar BMT ilə əldə etdiyi razılıq əsasında bütün kimyəvi silahlarını təhvil verib. Deməli, Suriya hökumətinin ixtiyarında kimyəvi silah yoxdur. Digər tərəfdən kimyəvi silahlardan istifadə adətən o vaxt baş verir ki, abş və avropa müharibədə məğlub olduğunu hiss edir. Suriya ordusunun mövqeləri isə yaxşıdır, Hələbi azad edib, digər bölgələri azad etmək üzrədir. Müharibədə udan tərəf olan ölkə nə üçün belə bir addım atmalıdır? Əslində, Suriya hökumətində heç kimyəvi silah da yoxdur”, - deyə o vurğulayıb.
Ə. Bürucerdi deyib ki, terrorçular bundan öncə kimyəvi silahdan istifadə etməkdən çəkinmədiyini göstəriblər: “Əsəd hökumətinin kimyəvi silahdan istifadə etməsi iddiası boş bir şeydir. Bu, son 6 ildə Suriyada məğlub olan ABŞ və Avropadan olan müttəfiqləri üçün bir bəhanədir. Onlar təbliğat maşınını işə salaraq dünya ictimaiyyətinin fikrini yayındırmaq istəyir və məsələni BMT Təhlükəsizlik Şurasına çıxarmaq istəyir”.