Tarix : 2017 Jul 29
Kod 52402

Putin İslam dininin dostu seçildi

İslam Əməkdaşlığı Təşkilatı (İƏT) islamofobiya haqda növbəti, sayca 10-cu hesabatını dərc edib.
İslamazeri.com-un rus mediasına istinadən verdiyi xəbərə əsasən, İslam Əməkdaşlığı Təşkilatı (İƏT) islamofobiya haqda növbəti, sayca 10-cu hesabatını dərc edib. Sənəddə Rusiya Prezidenti Vladimir Putin “İslam dini və müsəlmanlara qarşı dostcasına rəftar sərgiləyən” dünya liderlərinin siyahısına daxil edilib.
Xatırladaq ki, Putinin özü dəfələrlə altını cızaraq vurğulayıb ki, İslam dinin terrorçuluq ilə heç bir əlaqəsi yoxdur.
“Mən İslam dininin terrorçuluqla birgə xatırladılmasına qarşıyam.”, - deyə Putin ötən ilin sonunda keçirilən mətbuat konfransında bildirmişdi.
Həmin ilin may ayında isə İslam və Rusiya mövzusuna həsr edilmiş tədbir zamanı, rusiyalı lider qeyd edib ki, Rusiya hər zaman İslam dünyasının güvənə biləcəyi müttəfiq olacaq.
“Bir daha təsdiq etmək istərdim ki, İslam dünyası hər zaman Rusiyanın timsalında etibarlı müttəfiq tapa bilər. Rusiya ən mühüm və zəruri problemlərin həllində əməkdaşlıq etməyə hazırdır. Biz, müsəlman ölkələrin beynəlxalq münasibətlərdə ədalət və hüququn aliliyi kimi dəyərlərin bərkidilməsinə dair mövqeyini dəstəkləyirik.”, - deyə o əlavə bəyan edib.
Qeyd etmək lazımdır ki, İslam dininə dostcasına yanaşan liderlər siyahısında həmçinin Almaniya kansleri Angelar Merkel, Böyük Britaniya Baş naziri Tereza Mey, Kanada Baş naziri Castin Trüdo, Avstraliya Baş naziri Malkolm Ternbull, Böyük Britaniya şahzadəsi Çarls və Roma Papası Fransiskin də adları yer alıb.
  • Yazılıb
  • da (də) 2017 Jul 29
  • Göndərən مدير سايت Aran News