İyulun 30-da Kəpəz Rayon Məhkəməsi Gəncədə saxlanılan “Milliyyətçi Gənclər Təşkilatı”nın üzvləri Müşviq Vəliyev və İskəndər Osmanlıya 25, Elçin Məhərrəmliyə isə 30 sutka inzibati qaydada (polisə müqavimət) həbs cəzası verib.
Meydan tv-Məcid Türksoyun isə məhkəməsi davam etdirilir.Bu barədə Meydan TV-yə gənclərin yaxınları məlumat veriblər. Bildiriblər ki, Məcid Türksoyun məhkəməsiylə bağlı hələlik heç bir xəbər yoxdur:
“Digərlərinin məhkəməsi isə qapalı keçirilib və gənc fəallar vəkillə təmin olunmayıb. Şərlənərək həbs olunan gənclərin vəkillə təmin olunub-olunmamasıyla bağlı məlumatımız yoxdur. Məhkəmə prosesi tez-bazar, qapalı şəraitdə keçirilib”.
Gənclərin iyulun 30-da bir qrup şəxs tərəfindən saxlanaraq Gəncə Şəhər baş Polis idarəsinə aparıldıqları deyilir.