AXCP sədri Əli Kərimli feysbuk səhifəsində Əli Həsənovun toxunulmazlıq səbəblərindən yazıb. Yazını təqdim edirik:
Nur-az.com:“Belə görünür ki, İlham Əliyev seçimini etdi. Əli Həsənovu cəzalandırsaydı, bunu hadisə gündəmdəykən edərdi, xalqa da göstərərdi ki, qudurğan məmur övladlarının valideynlərini işdən çıxaracağı ilə bağlı verdiyi sözü tutur.Amma təəssüf ki, sözünün üstündə durmadı. Harın avtoxuliqanın vurub öldürdüyü vətəndaşların deyil, həmin avtoxuliqana 3 milyon dollarlıq avtopark yaratmış korrupsioner babanın, YAP-dakı müavininin tərəfini tutdu. Xalqın etimadındansa, korrupsionerlərin etibarını üstün bildi.
Xalqın sosial şəbəkələrdə ifadə olunmuş birmənalı rəyini nəzərə almadı. Xalqla, ictimai rəylə hesablaşmadığını açıq nümayiş etdirdi. İndi bildinizmi bu azğın, harın məmur övladları və onların korrupsioner valideynləri kimə arxalanıb bu qudurğanlığı edirlər?”