"Hizbullah"-ın baş katib müavini Şeyx Nəim Qasim, Trampın İranın nüvə müzakirəsini təhdid etməsinə münasibət bildirib.
Arannews-Şeyx Nəim Qasim bildirib: “Tramp insanların hisləri ilə oynayır. O özünü qərar qəbul edən kimi göstərmək üçün Şərqə və Qərbə təzyiq göstərir. Dünyanın ən böyük və güclü ölkəsinin başçısı verdiyi sözlərə və müqavilələrə sadiq deyil. O ABŞ siyasətlərini zorla bölgə ölkələrinə sıramaq istəyir. Lakin bugündək uğursuz olub və belə də qalacaq.”
Trampın dünyada əhdinə xilaf və zorba olaraq tanındığını deyən Şeyx Qasim bildirib: “ABŞ prezidenti nüvə razılığını ləğv etmək üçün dünyaya yalan və puç səbəblər göstərib və İranın bu sazişə sadiq olmadığını bildirib. Bir halda ki, Beynəlxalq Atom Enerji Agemtliyi və bir sıra ölkələr İranın bu razılığa sadiq qaldığını bildirir. Tramp bu yolla öz uğursuzluqlarının əvəzini çıxmaq istəyir. Onun baxışları tamamilə siyasi bir baxışdır və iqtisadi və elmi cəhətdəb inkişaf etmiş və sərhəddən kənar xalqları dəstəkləyən İranın varlığını qəbul edə bilmir. O həmçinin, Suriyada qalib gələnlərin və müqavət və vəhdətin bu ölkəyə geri qayıtmaslndan narahatdır.”
“Hizbullah”-ın İsrail rejimi üçün, təkfirçilərin xilafətinin aradan getməsinin isə ABŞ üçün ağır olduğunu deyən Nəim Qasim bildirib: “Trampın uca fəryad və sızıltısı Onun siyasətlərini həyata keçirə bilmədiyinin göstəricisidir. O, təhdid edərək, dünyanı uçuruma apara bilər, lakin gecə gündüz bağırsa da,bizi meydandan uzaqlaşdıra bilməyəcək. ABŞ dünyanın təhlekəsizliyinə təhdid hesab olunur və nüvə razılığı barədə qərarları ilə müttəfiqlərinə mənfi təsir qoydu. Heç bir ölkə Onun siyasət və işlərini təsdiqləmir. Onun postundan uzaqlaşması həm Amerikanın, həm də dünyanın xeyirinədir. Əks halda bizdə olmasa da, Amerikada ciddi böhana səbəb olacaq. Çünki biz həmişəki kimi möhkəmik.”
İsrail rejiminin real düşmənləri olduğunu deyən Şeyx Qasim bildirib: “İşğal olunmuş ərazilər həm bu rejimin, həm də təkfirçi qrupların əlindən xilas olunmalıdır. Bütün dünyanın İsrailin yanında olduğu zaman bizim yanımızda isə çox az dəstəkçi olduğu zaman 2006-cı ildə bu rejimə qalib gəldik. Livan ordusu, xalqı, müqaviməti və qazandığı qələbələrlə bu gün daha güclüdür. Livanın İsrail önündə uğurları müstəqillik, müqavimət, təkfirçilərə qələbə və məzhəb fitnələri önündə daha güclü mühafizəylə nəticələndi. Əleyhimizə olan ittihamların heç bir xeyiri olmadı və fitnə öz sahiblərinə geri qayıtdı. Təkfirçilərə dəstək verənlər abırlarını apardılar və zillətə səbəb oldular. Livan Mişel Ounun rəhbərliyi ilə inkişaf etməkdədir. Özünü xalqın nümayəndəsi hesab edənlər yaxşı olar ki, seçki qutularını gözləsinlər.”