Min nəfərə yaxın olan Ərbəin zəvvarı dünən İraqın ən cənub bölgəsindən möhtəşəm mərasim sonrası yürüyüşə başlayıblar.
Arannews-Gözlənilən budur ki, bu gün Kərbəlanın 700 k.m-dən yürüyüşə başlayan zəvvarların sayı yaxın günlərdə Kərbəlaya tərəfə eyni ritmlə hərəkət edən milyonluq dalğaya çevriləcək.
Ərbəin yürüyüşündə müxtəlif millət, tayfa və dildən olanlar çiyin çiyinə bir biri ilə yola düşür. İl ərzində yer üzündə təşkil olunan ən kütləvi yürüyüşdə iranlılar gözə çarpacaq qədər çox olurlar.
İranlıların dünənki yürüyüşdə də iştirakı müşahidə olunurdu. Bu yürüyüş Bəsrə şəhərinin Fav şəhərciyinin Rəsul-Bişə bölgəsində keçirilib.
Ərbəin yürüyüşünə dünən möhtəşəm mərasimlə start verildi. Bu mərasimdə İraqın Ali Mərcəiyyətinin Nəcəf şəhərində olan nümayəndəsi, alimlər və Bəsrənin yerli rəsmiləri iştirak edib.
Müxtəlif bölgələrdən olan yürüyüş iştirakçıları Ərbəin yürüyüşünün rəsmi olaraq başlaması əlaməti olaraq xüsusi bayrağı dalğalandırıblar. Mərasimin sonunda isə İmam Hüseynin (ə) hərəminə tərəf yollanıblar.
Ayətullah Seyid Muhəmmməd Həkimin ofisinin təşkilatçılığı ilə keçirilən məclis “Dənizdən kəsilmiş başadək” şüarı ilə başladı.
Ayətullah Həkimin oğlu İzzuddin Həkim mərasimdə çıxış edərək, bildirib: “Ərbəin yürüyüşündə iştirak edənərin aralarında, müxtəlif məzhəb, tayfa, irqdən olsalar da heç bir fərq yoxdur. Yürüyüş iştirakçılarında istətimiz budur ki, İmam Hüseyn və Əhli-beytin (ə) əxlaqına uyğun olaraq, namazlarını qılmağa və islami əxlaqi qorumağa səy göstərsinlər. Ərbəin səhnəsi İmam Hüseyn (ə) məktəbində təlim və hazırlaşmaqdan ibarətdir.”
Bu mərasim artıq 5-ci ildir ki, Ərbəin yürüyüşünün açılışını elan etmək məqsədiylə təşkil olunur.